Analizando o Fenerbahçe

O Fenerbahçe Spor Kubülü é un rival incomodo. Históricamente, os turcos son un equipo que fóra da casa perden bastantes enteiros. A afección exerce de xogador Nº12, facendo do Sükrü Saracoglu Stadi unha auténtica ola a presión. Actualmente son líderes da liga turca con catro puntos de vantaxe co segundo clasificado, o eterno rival Galatasaray.

Contan con homes como o ex-colchoneiro Kezman (fichaxe estrela desta temporada), o ganés ex-juventino Appiah, o central urugaio Lugano, o mediapunta internacional brasileiro Alex ou o ex-azulgrana Rustü.
O mellor: A súa fortaleza na casa, na que é moi difícil gañar e máis en competición europea.
O peor: É unha escadra endeble sicolóxicamente se non xoga na casa e ten algun problema na defensa.

O estadio do rival: Sükrü Saracoglu Stadi

Como xa é costume recuperamos o artigo publicado no seu dia en TodoCelta onde analizabamos o estadio do Fenerbahçe, un auténtico inferno, e vos ofrecemos algunhas fotos para que poidades coñecer un pouco máis en profundidade ao noso rival de mañá.
O estadio do Fenerbahçe é o Sükrü Saracoglu Stadi. Este é un estadio completamente pechado. Son unhas instalacións moi modernas. As gradas están moi preto do terreo de xogo, o que axuda en gran medida a que se acade o gran ambente que adoita atinxir, un dos máis quentes do mundo sen dúbida.

Que veñen os turkos!

Pero esta vez son os de verdade. Os do imperio Otomano, non herculino.

O equipo ven como un tiro, despois de encadenar bos resultados tanto na súa liga, como na UEFA. Lembrade que golearon ao todopoderoso Palermo na última xornada europea.

O equipo non estará só. Prevése que ao redor de 2000 siareiros turcos estean en Balaídos o xoves.

O Celta está preocupado polo número final de afeccionados, xa que o clube só vendeu ao Fenerbahçe 1000 entradas, pero a comunidade turca residente en Europa adoita desprazarse en masa para apoiar ao seu equipo. De feito, o Celta abrirá só unha taquilla para que os siareiros turcos que viaxen por libre, poidan mercar a súa entrada.

Mentres, nós, seremos os 10.000 de sempre en Balaídos, e 300.000 na TVG batendo récords de audiencia. País, país ….

Aquí vos deixo un video de como o montan os siareiros do Fenerbahçe. Calcadiños a nós ….

Celtistas en Inglaterra

_{Siareiros celtistas na mítica “caverna” dos Beatles en Liverpool}

 

O Celta non puido gañar en Newcastle. Pero os que sí gañaron unha gran experienza foron os siareiros célticos que se desprazaron ata Inglaterra para apoiar ao noso equipo.
JES publica na súa web siareiros.net máis de 300 fotos sobre a viaxe, ao igual que unha crónica da aventura que viviron no desprazamento ata terras inglesas. Non ten desperdicio.

Celta 1 – 1 Zaragoza

Ían dous anos e medio que o Celta non empataba un partido en Balaídos en Primeira División.

Pero onte sucedeu. E foi un mal menor para o conxunto vigués, que ata este choque só gañara un partido en casa e perdido catro. Os dous artilleros de ambos equipos, Diego Milito e Baiano, asinaron as táboas cos seus goles, aínda que o zaragocista estivo soberbio e ben puido facer algún máis. E iso que o seu equipo xogou en inferioridad durante máis dunha hora, aínda que un erro de César significou o empate vigués.

Os primeiros minutos foron frenéticos. Logo de dúas boas accións de D’Alessandro que deron o aviso, Diego Milito conseguía o seu noveno tanto desta Liga ao cabecear totalmente só dentro do área. O Celta volvía ser vítima do xogo aéreo do rival e o partido poñíaselle costa arriba. Con todo, aos doce minutos respiraba ao ver que Rubinos Pérez sacaba a segunda amarela a Zapater na segunda falta que fixera.

Evidentemente, esta acción cambiou o guión do partido. Víctor tivo que mover pezas e o Celta pasou a ser o claro dominador do balón. Logo duns intentos con disparos afastados, os vigueses terían as súas mellores ocasións para empatar ao bordo do descanso, con dous balóns claros que Placente e Baiano non acertaron a mandar á rede cando tiñan todo ao seu favor.

Rápido empate.
Precisamente, o gol celtiña tivo que chegar por un desacerto do rival, nun balón que Baiano aproveitou despois de que César non o atajase. E o partido entrou nunha fase de toma e daca. Os maños non se conformaban co empate e buscaron as contras perigosas coa súa pichichi Diego Milito. Nalgunhas fallou el e noutras Pinto salvou ao Celta, que se quedaría tamén con dez pola expulsión de Gustavo López por dicir ao asistente “me cago na concha da túa nai”, que recolleu a acta. Desde ese momento, pouco máis fútbol púidose ver e o marcador xa non se movería máis.

F. Vázquez “Non soubemos rematar a faena”

“Malia ter o partido perdido aos dez minutos, coa expulsión de Zapater púxollenos de face. E así o tivemos sempre ata que se marchou lesionado Iriney. Controlamos en todo momento ao Zaragoza, creamos ocasións, ata que cometemos o erro de quedarnos con dez xogadores nos minutos finais. A pena foi non poder empatar no primeiro tempo. Non sé que máis lle podemos pedir ao equipo. Máis acerto, máis eficacia… Creo que tivemos ao Zaragoza aí. É certo que estaban cun menos pero non soubemos rematar a faena”.

V. Fernández “Con once eramos moi superiores”

“A expulsión marcou todo o partido. Tivemos un arranque extraordinario, conseguimos o gol e fixemos traballar moito a Pinto pero xogar 80 minutos cun menos e ademais como visitante é moi difícil. Aínda así, pensei que nos últimos 25 minutos iamos gañar o partido coas nosas contras. Está abofé que con once xogadores eramos moi superiores ao Celta pero non contabamos quedarnos con dez. Ao final, un limítase a conservar a renda e intenta aproveitar as oportunidades que teña. En definitiva, ímonos contentos co empate.

Envexa Sá

Balaídos e A Romareda foron os dous principais prexudicados cando a Eurocopa do 2004 foi parar a Portugal en lugar de España.

Os estadios, dous dos máis antigos do fútbol español, serían os que levarían un proxecto de remodelación máis completo, segundo se anunciaba na candidatura española. Finalmente non foi asi, e Vigueses e Zaragozanos teriamos que esperar a outra oportunidade.

Coma adoita ocurrir nestes casos, os zaragozanos adiantáronnos pola dereita, e xa teñen o seu proxecto de novo estadio. A Nova Romareda será un estadio vangardista, cun deseño espectacular e cunha capacidade de 42000 asentos. Estará concluido para a Expo do 2008. Nós, seguimos esperando. Este ano, os orzamentos municipais adican nada máis e nada menos que ¡¡¡ 60.000 euros !!! para o proxecto de novo estadio. Con eses cartos, non mercamos nin un baixo en Zamáns…

En fin, mentres os nosos políticos se deciden en declarar Balaídos como zona catastrófica, nós ímonos deleitar coas alegrias alleas, cunha serie de fotografias do que será a Nova Romareda.

Que envexa sá ….

Gestesa Guadalajara

No ano 2000 e tras moitos meses de negociacións e varios anos de intentos, catro clubes de categoría nacional de fútbol sala de Guadalajara (CD Venus, CD Centenera, CDFS Alamín e AD Deportes Olimpiada), deciden fusionarse en un só para tentar por a Guadalajara no máis alto posible de este deporte, un dos máis practicados na provincia e con unha dilatada tradición e historia. Naceu así a UNIÓN DEPORTIVA GUADALAJARA FÚTBOL SALA, que adquire la plaza en División de Plata, que pertencía al CD Venus.

O acordo rubricase o 15 de maio de 2000, unha data que xa se considera histórica no fútbol sala de Guadalajara.

Formouse desta maneira unha entusiasta xunta directiva formada por Santiago Ranz como presidente; José Alfonso Montes, vicepresidente; Jesús Fuentes, tesorero; Mariano Gutiérrez, secretario técnico; Domingo Gómez, vocal; Ramiro Viana, vocal; Juan Antonio de Luz, vocal y Alberto Moreno, vocal.

Son varias as empresas que confían no proxecto, pero sen dubida, a maior axuda chega por medio de GESTESA, unha firma que apoiou dende o primeiro momento ó clube e que hoxe, cinco temporadas despois, segue a facelo.

De esta forma, o equipo en División de Plata pasou a chamarse, Unión Deportiva Gestesa Guadalajara y iniciouse así un ilusionante proxecto que pouco a pouco iría introducíndose na sociedade guadalaxareña e pasaría co paso do tempo a convertirse no principal referente deportivo da cidade.

O partido contra este rival, será hoxe as 20:30 no pavillón das Travesas. É un partido de especial relevancia xa que se enfrontan dous equipos da parte baixa da clasificación e pode servir para abrir diferenzas coa zona baixa. Se o Celta gaña, pode incluso sair dos postos de descenso directo, cousa que todos estamos a desexar.

Os arbitros do encontro serán: Martinez Segovia y Ponce Medero. Agardemos unha boa actuación e non sexan tan patéticos e penosos como os do último encontro xogado na casa fronte o Playas.

O equipo de TODOCELTA.COM estará ali para dar folgos o equipo e informar de todo o que aconteza neste parido tan importante para o noso equipo.

Agardámosvos no encontro!!!!!

Newcastle 2 – 1 Celta

O Celta tirou ao lixo un partido que tiña encarrilado e dominado por culpa do mal que está a lastrar a traxectoria do equipo esta temporada. O 11º gol a balón parado lapidou as aspiracións célticas e complica moitisimo á clasificación para a seguinte rolda.

Era un día para que a versión visitante do equipo vigués volvese brillar. Vanlle os grandes escenarios e se fora capaz de gañar no Bernabéu ou Riazor porqué non en Saint James Park. Aos ingleses moito máis preocupados pola súa mala situación na Liga, íalles en xogo só selar, a súa clasificación.

Tras o susto inicial dun descoido que case converte en gol Luque, o Celta asentouse e mandou. No seu primeiro disparo, unha exquisitez de Canobbio converteuse nun belo tanto que terminou de conxelar á afección local xa arrefriada pola temperatura.

A partir de aquí, os celestes gustáronse e dedicáronse a taconazos e lindezas que chegaron a preocupar ao seu adestrador. O Newcastle estaba vivo e había que quitarlle ese fío de conexión coa realidade. Os chanzos dun dos estadios máis bonitos de Inglaterra aínda non tiveran motivos para entrar en calor.

A leña chegoulles. Un bo centro de Milner cabeceouno con demasiada comodidade Sibierski para empatar o partido. Antes do descanso o lume inglés puido avivarse aínda máis. Nun saque a balón parado, o pesadelo celeste, Emre colgou para que Titus Bramble cabecease con comodidade pero para fortuna viguesa por fóra.

O Fenerbhaçe gañara ao Palermo polo que para a segunda parte o Celta debía entender que o empate non era bo. A Baiano víuselle cansado e á hora de partido, Vázquez optou por darlle a media hora da gloria a Perera. Aos locais notábaselles que daban por bo o punto e que tampouco tiñan motivos para arriscar en procura da vitoria.

Os célticos estaban moi metidos atrás. O último pase sempre deixaba ao dianteiro con moitos metros por diante como para chegar con posibilidades á portería contraria. Para ir a por o triunfo ao adestrador celeste quedábanlle un par de balas. A primeira esgotouna con Gustavo López. O arxentino tiña que darlle no seu regreso, tras máis un mes de ausencia, un pouco máis de profundidade.

O partido caeu nunha falta de intensidade inesperada a priori. No desenlace, o Celta quería gañar pero se notaba moito que ningún dos dous quería perder. Un córner, o normal, decidiu. Os ingleses son especialistas en marcalos e os célticos en arruinarse. Por undécima vez nesta tempada o conxunto vigués encaixou nunha acción a balón parado. O Newcastle levou o triunfo e garantiu a súa primeira praza.

Previa Newcastle – Celta

O Celta visita de novo Inglaterra, nun dos escenarios máis bonitos que Europa nos ofrecer.

O St.James Park será o escenario protagonista da volta do Celta a terras inglesas.

O Celta intentará seguir a súa racha fóra da casa e consolidar a súa posición la liguiña uefa. O encontro non pode chegar en mellor momento anímico, xa que a victoria en Riazor e os bos resultados colleitados como visitante outorgan ao equipo unha sensación de seguridade e ambiente optimista que ben seguro saberán aproveitar esta noite.

Aínda que as baixas seguen mermando o equipo, O Celta pode sacar un once altamente competitivo no que haberá poucas diferenzas respecto ao do partido de Riazor. Coa xa sabida titularidade de Esteban, Yago pode ter a súa segunda oportunidade e quizáis Perera tamén poida xogar de inicio. Así mesmo, a volta de Gustavo López tamén ameaza a titularidade de Jonathan.

Os vigueses intentarán aproveitarse do mal momento do Newcastle na Premier e do feito de que o equipo inglés xa está clasificado para a seguinte rolda.

As “Urracas” tamén terán varias baixas, sobre todo na súa liña de ataque. Owen, Krul, Ameobi, Damien Duff e Graif Moore son algunhas das ausencias do Newcastle esta noite. O adestrador inglés terá que confiar en Martins ou incluso en Albert Luque na punta do ataque.

Vazquez saiu onte “impresionado” coa beleza de St.James Park. Aínda que preocupado pola dureza do rival, o técnico compostelano mostrábase optimista.

“O fútbol inglés non é especulativo. Van vir a gañarnos o partido seguro e iso vénnos ben á nosa forma de xogar porque lles podemos xogar á contra e collelos con moito perigo”

Vázquez sabe das dificultades que as urracas están tendo, do mesmo xeito que o Celta, cando xogan como locais. «eles están un pouco preocupados pola Liga e ademais teñen problemas en casa onde non fan moitos goles. Creo que é un rival que nos pode vir ben para conseguir unha vitoria fóra».

O técnico celeste viu ao Newcastle contra o Arsenal pero cre que van ter pouco que ver.

«Vinlles contra o Arsenal algo conservadores pero supoño que tiña que ver co rival que lles tocaba e non co seu carácter en casa. Aquí van ser máis agresivos».

---

Multimedia

Aquí vos deixo uns videos para que vexades como as gastan os siareiros do Newcastle.

O primeiro pertence á semifinal da FA Cup.

Este é unha montaxe sobre os siareiros ingleses, feito por algún seguidor.

Minimarea Celeste

Despois de que a marea celeste se desprazase en masa ata Coruña, hoxe o Celta tamén estará acompañado, aínda que en menor medida.

Onte chegaba unha “avandilla” con 25 persoas, entre as que se destaca a presenza da peña Vlado Gudelj e hoxe chegarán o resto ata completar as 140 entradas vendidas polo club.

O número difire moito entre os 1.100 alemáns que estiveron en Balaídos ou os 2.000 turcos que se agardan a semana que ven, pero ben seguro que a nosa representación en Inglaterra dará todo animando e dando folgos ao noso equipo. Que a Rianxeira volva soar en Europa!