O 2006, en Imaxes

Remata o 2006. Un ano do que podemos sacar un balance positivo. Foi o ano da volta á primeira división e da volta a Europa. O ano do relevo na directiva. O ano do Zamora de Pinto. O ano do rexurdimento de Gustavo. O ano da dobre coronación do Celta en Riazor. O ano da segunda victoria consecutiva no Bernabeu. O ano de Oubiña e Angel coa selección. O ano do debut de Vila, Abalo e outros. O ano do Celta FS. O ano, e van dous de castigo a Giovanella. O ano no que se romperon moitas estatísticas. O ano das lesións.

En definitiva, un gran ano celtista onde o vello Balaídos volveu a desfrutar de moitas alegrias e padecer outras tantas tristezas.

Este foi o ano de TodoCelta. Despois de estar informando en DetrasDoColexio dende o 2004, en Setembro irrumpimos con forza na galaxia celtista na rede. Consolidamos o noso foro, saímos na televisión e puxemos en marcha unha incipiente emisora de Radio.

Agora nos espera un 2007 cheo de retos e ogalla de éxitos. ¿Será o ano do título?¿ou o do Novo Balaídos? En 12 meses teremos a resposta.

FELIZ 2007

GALIZA – ECUADOR EN TodoCelta RADIO

TodoCelta RADIO emitirá en directo o encontro da selección galega fronte a de Ecuador.

Para escoitalo precisades do Winamp. Tedes todo o preciso na sección TodoCelta RADIO 

Mido é o elixido

Despois dun par de semanas de especulacións sobre a posíbel fichaxe dun dianteiro neste mercado invernal, hoxe Félix Carneiro deu a sorpresa ao anunciar o nome do elixido: Ahmed Hossam Hussein Abdelhamid “Mido”

O exipcio, ex-céltico estaría disposto a abandonar a disciplina do Tothenham Hotspur e volver á liga española en calidade de cedido, e ao equipo onde colleitou un dos seus grandes éxitos, a clasificación para a UEFA Champions League.

Sen dúbida, a afección celeste acollerá de novo a un xogador do que garda grandes lembrazas, xa que foi un dos artífices do cuarto posto colleitado na temporada 2002-2003 da man de Miguel Ángel Lotina.

Ahmed Hossam Hussein Abdelhamid “Mido” naceu no Cairo o 23 de febreiro de 1983 e militou con anterioridade no Al Zamalek (1999/2000), Gent (2000/01), Ajax (2001/03). Celta (2003), Olympique Marseille (2003/04), Roma (2004/05) e Tottenham (2005/06).

TodoCelta Radio

Aproveitando o parón de Nadal da nosa web, presentamos unha nova iniciativa destes tolos polo RC Celta. Hoxe comezou a emitir TodoCelta RADIO.

Nesta emisora intentaremos dar cumprida información sobre todo o que acontece ao redor do noso equipo. Novas, entrevistas, retransmisións en directo dos partidos, tertulias, debates, e moito máis.

Aínda estamos en probas. A radio está comezando e quedan moitas cousas por definir. Así que sede pacientes. De momento xa podes escoitar cada 8 minutos aproximadamente un boletín informativo con todas as noticias sobre o noso equipo.

Para sintonizar TodoCelta RADIO tan só precisades ter instalado no voso PC o famoso reproductor de musica WINAMP e premer neste enlace.

Pouco a pouco iremos incorporando contidos. Estade atentos!!

Ata Xaneiro, nada.

Cando xa semellaba que o Celta non ía realizar ningunha contratación no mercado invernal, Félix Carnero fixo unha aparición estelar en diversos medios de comunicación falando dos intereses do Celta en varios xogadores.

As prioridades do clube son un dianteiro e un lateral esquerdo. O número un da lista é Carew. O noruego non conta para o club francés que estaría disposto a cedelo. De todos xeitos o axente do xogador non parece disposto a aceptar unha cesión ao clube vigués.

O segundo na recámara e Cavenaghi, un mozo arxentino de 23 anos e cunha gran proxección que non está a ter sorte no Spartak de Moscova. O xogador amosaríase encantado de recalar en Vigo, cidade onte ten un gran amigo, Placente. Sería unha boa opción para os celestes, sobre todo con vistas ao futuro.

Outra opción sería a de Mauro Zárate, pero xa está case descartado polo seu alto prezo.

Nas últimas horas está a tomar forma a opción do mediocentro. A mala sorte na cesión de Pablo García e a súa desmotivación poden propiciar a súa saída do clube neste mercado invernal. O Celta xa está a traballar nalgún recambio, como Vayrynen. O finlandés con pasaporte sueco do PSV, é unha das novas promesas do seu pais. Xa estivo a piques de recalar en Vigo, pero os celestes finalmente se decantaron por P.García.

Estes son os nomes que máis sonan para reforzar o equipo este inverno, aínda que ben seguro que existen outros nomes que, debido á habitual prudencia da secretaría técnica, aínda non se coñecen.

Aínda así, todas estas operacións estarán paradas ata o ano novo, despois das vacacións. Lembremos que o noso presidente está en México desfrutando das festas do Nadal na compañía da súa familia.

Así pois, ata Xaneiro non teremos a solución a estas cuestións.

COMETAL CELTA DE VIGO F.S

Cometal Celta de Vigo F.S. Este é o nome que a partir de agora levará o Celta. A empresa galega de estructuras metálicas converteuse no patrocinador principal do equipo vigués. Medio millón de euros é o que aporta a empresa que preside Lois Rivas ó equipo presidido por Xose González. A pesar de que Cometal sempre colaborou co clube (o ano pasado xa patrocinara o equipo de primeira nacional), non foi posible asta fai un par de días que se incorporara como sponsor principal.

O presidente, Xosé González agradeceu o esforzo feito por Cometal, “levamos media tempada negociando con eles e é agora cando nos quieren apoiar de maneira importante. Énchenos de orgullo que noso equipo leve o nome dunha empresa galega”.

O presidente de Cometal, Lois Rivas comentou que “intentamos axudar un pouco o equipo. Necesitamos moito para que o equipo poida permanecer en División de Honra e nos estamos axudando da maneira que nos é posible. Agardamos que a próxima tempada sigamos en División de Honra e as cousas serán de outra forma”.

No acto de presentación do patrocinador celeste tamén estaba a concelleira de deportes do Concello de Vigo, Lucía Molares encantada coa idea de que unha empresa galega patrocine o deporte vigués. “Lois foi moi modesto pero a cantidade da que estamos a falar é moi importante. Aproveito a presenza de toda a plantilla céltica para felicitarlles as festas y desexarlles un bo 2007″. “Agardo que neste ano novo os resultados sexan os desexados e que o equipo se poida salvar. Á directiva agradézolle que estén loitando e que fagan disfrutar á xente”.

O clube xa negocia co seu sponsor para a próxima tempada. Iso sí, a partir de agora COMETAL CELTA.

IaguinhoGZ

Sorteo de Copa

Dos catro grupos que se crearon para disputar a Copa do Rei, ó R.C.Celta de Vigo F.S. tocoulle o peor de todos. Polaris, PSG Móstoles, Azkar Lugo y R.C.Celta. O grupo do anfitrión da copa, o grupo do Azkar Lugo e o grupo no que tan só un equipo se clasificará para a rolda final a disputarse en Lugo.

O primeiro partido de Copa disputarase o día 6 de xaneiro a unha hora por determinar fronte o Polaris World Cartagena, actual subcampión de liga, no Pavillón Central de As Travesas. O segundo partido será o día 13 en Lugo y el último o día 20 fronte o PSG Móstoles, na cancha deste mesmo.

IaguinhoGZ

Ata catro partidos de sanción

Fernando Vázquez pode ser sancionado con ata catro partidos polos comentarios que dirixiu ao árbitro no derradeiro partido fronte á Real.

Vázquez dirixiuse a Rodriguez Santiago ao final do encontro para protestar por dous penaltis na área viguesa que o colexiado non estimou como tal.

Na acta recóllense comentarios como “Vais a por mi” ou “Que poca vergüenza teneis”.

Se falla Carew …

… Fernando Cavenaghi pode ser a outra opción. O noso rival na copa da Uefa non conta co arxentino con pasaporte italiano e estaría disposto a traspasalo, algo que o Celta non quere.

O “gordo” foi a fichaxe máis cara do Spartak de Moscova. Chegou procedente do River onde marcou 54 goles en tres campañas. En Rusia, a pesar de entrar a cotío no equipo, non conseguiu explotar ao mesmo nivel que en Arxentina, motivo polo que o clube ruso non pecha as portas a súa saída.

O xogador, de 23 anos, ten unha gran amizade co lateral céltico Placente, e estaría encantado de recalar en Vigo. O tempo dirá …