David García, na axenda celeste

O xogador canario, que xoga no Las Palmas, soa como posible reforzo para a defensa viguesa.

David García podería convertirse nas próximas horas xogador do Celta. O xogador canario, que xoga como defensa central, ten 25 anos e encaixa no pérfil que busca a dirección deportiva de xogador xoven, con experiencia na categoría e con calidade.

O defensa canario destaca polas súas cualidades como marcador e polo seu gran remate de cabeza. Esta pasada temporada xogou 35 partidos (todos titular) e marcou 2 goles. De finalmente concretarse a operación sería a segunda incorporación céltica tras o búlgaro Petar Zanev.

G.Lucas firma un ano máis

O lateral do Celta George Lucas renovou onte o seu contrato por unha temporada máis con opción de amplialo tres anos máis ao remate de este.

Lucas xogará no Celta de segunda división. Onte renovou o seu contrato, e coa saída de Ángel do equipo o vindeiro ano posiblemente será o lateral dereito titular. Deixou algunhas verbas interesantes trala súa renovación:

“Moi contento de que se pechase todo e agora o que espero é poder gozar canto antes do fútbol que fai moito tempo que non sucede. Como a primeira vez e nas mesmas condicións. Un ano e se vai ben tres máis. En Brasil tamén é así. Hai que xogar cada ano pelexando pola renovación. A miña responsabilidade é facelo ben para levar ao Celta de volta á elite. Agora teño que pelexar moito para devolver a este equipo onde nunca tiña que saír. Quero demostrar do que son capaz.”

“Prefería xogar en Primeira pero sei que o Celta no peor momento da miña carreira sempre estivo axudándome. Iso hai que valoralo moito e é outro motivo para quedarme aquí. Non puiden axudar a tempada pasada pero quero facelo agora. Gústame o club no que estou e quería quedarme.”
 

“Fisicamente vou estar ben. Por iso sigo adestrando. Cando chegue á pretemporada espero estar ao cento por cento. Cando me lesionei era titular e agora busco recuperar ese posto. Confío en coller o ritmo co resto do grupo.”

A renovación de Iriney convértese nun tira e afrouxa

O xogador non acepta a renovación pero o club se manten firme.

Se onte anunciabamos a renovación de Iriney hoxe parece non estar nada clara. O representante do xogador Eduardo Imiens declarou que non acetarían a renovación unilateral ofrecida polo Celta. Esta renovación por tres anos máis acordouse cando o xogador firmou o seu primer contrato co Celta, e consistía en que o club tiña a opción de renovar ao xogador ao rematar o seu primer contrato de xeito unilateral e por unha cantidade estipulada. O club tratou de chegar a un acordo co xogador ao longo da semana pero ao non conseguilo, acolleuse a esta calusula.

Desde a directiva chegan mostras de tranquilidade y advirten aos xogadores que non aceptarán ningunha chantaxe. Din que farán un equipo con garantías de ascenso e que non malvenderán a ninguén. Estas semanas serán claves na confección do equipo de cara a vindeira temporada; veremos ata que punto poden manter a súa palabra.

Iriney, céltico ata o 2010

O medio centro do Celta Iriney Santos renovou hoxe o seu contrato por tres anos máis.

O Celta segue a construir o equipo para a vindeira temporada. Tralas saídas xa seguras dos cedidos (Areias, Bamogo, Tamas, P.García e De Ridder) e do canteirán Jonathan, e a chegada do búlgaro Pater Zanev, o Celta asegurou hoxe a continuidade de Iriney.

O Celta prorrogou o seu contrato mediante unha opción que tiña e a fixo efectiva esta tarde. O club deseoulle ao xogador unha pronta recuperación da súa lesión no xeonllo dereito. O mediocentro, de 26 anos, xogou nas dúas últimas temporadas 55 partidos co Celta e marcou 2 goles.

O Celta apuntala unha posición que a día de hoxe é unha das grandes dúbidas de cara a vindeira temporada. Nomes como Oubiña, Vila, Roberto ou Giovanella todavía descoñecen o seu futuro.

Hristo suspira por Bojan

Hristo Stoichkov xa ten un novo obxectivo. Estamos a falar da perla da canteira blaugrana Bojan Krkic. O  preparador búlgaro do Real Club Celta está a explotar ao máximo os seus contactos no clube catalán para intentar facerse coa cesión da nova promesa blaugrana.

Pero por moitos contactos que existan, a operación semella máis que complicada.  Varios son os equipos que pretenden esta cesión,  e Frank Rijkaard xa mostrou o seu interese en poder contar co xogador de xeito esporádico no primeiro equipo.

Mentres no clube blaugrana  ofrécennos outro xogador en calidade de cedido, pero cun perfil ben distinto ao de Bojan.

Falamos de Maxi Lopez, xogador propiedade do club catalán, que xogou en calidade de cedido esta temporada no Mallorca.

O rendemento de Maxi dende a súa chegada ao fútbol español non foi  o esperado. O Barça chegou a pagar 6 millóns de euros por el , para acabar cedéndoo ao Mallorca este ano, onde xogou 14 partidos e marcou só 3 goles, un de eles en Balaídos.

Jonathan pode recalar en Xixón

Jonathan Aspas sigue sen solucionar o seu futuro. Despois de expresar a súa vontade de non continuar no Real Club Celta, o xogador  moañés segue  á espera de recibir ofertas para a vindeira temporada.

Hai uns meses especulábase co interese do Werder Bremen en facerse cos servizos do xogador, algo por outra banda pouco críbel. Agora, á falta de  ofertas de primeira división, o Sporting de Xixón semella a opción máis factible para Aspas, que ve como se escapa o seu soño de seguir na máxima categoría do fútbol español.

O Gestibérica seguirá na LEB 2

Os afeccionados do Basquet da Cidade de Vigo están de noraboa. O Gestiberica está a piques de pechar a compra dunha praza na LEB 2, ao Lliria.

Nas derradeiras semanas, os contactos entre ámbolos clubes foron constantes e as posturas se atopan moi cercanas nestes momentos. Por iso, fontes cercanas ao clube vigués aseguran que esta semana poden chegar a unha resolución favorable para os intereses olívicos.
O Gestibérica debutou esta campaña na LEB 2, onde non puido conseguir a permanencia, pero conseguiu uns fantásticos resultados en cuestión de afección. O pavillón das Travesas rexistrou numerosos cheos ao longo da temporada

Mallorca e Levante a por Baiano

Baiano atópase cada vez máis lonxe de Balaídos.

O dianteiro do Celta, Fernando Baiano, parece que non seguirá en Vigo a temporada que ven. Noivas non lle faltan, xa que Mallorca, e, sobre todo Levante aumentaron o seu interese nas últimas horas. Fontes cercanas a Mallorca e Levante apuntan a que ambos equipos xa ofrecen ao redor dos 4 millóns de euros polo brasileiro. Haberá máis que verbas polo brasileiro.

Todo apunta a que o Celta tratará de sacar a maior tallada posible polo dianteiro brasileiro. Baiano, máximo goleador do Celta esta temporada con 15 goles, xa manifestou que porá dous condicións para o seu traspaso, unha que sexa a un equipo da Liga, e a outra que sexa cun contrato de larga duración, en torno aos 3 ou 4 anos.

¿Por canto venderíades a Baiano? ¿O manteríades na segunda? De vendelo, ¿facelo rápido ou esperar á desesperación dos equipos no mes de agosto? 

¿Tamas ao Auxerre?

O central romanés Gabriel Tamas atópase na cidade francesa de Auxerre para negociar o seu trapaso o club francés.

Segundo fontes de “La Voz de Galicia” o todavía central do Celta (a súa cesión remata o 30 de xuño) Gabi Tamas está a piques de cerrar o seu traspaso ao Auxerre francés. O central, de 23 anos, chegará ao conxunto “gabacho” mediante un traspaso que podería rondar a nada despreciable cifra dos 3 millóns de euros.

O seguinte, Iago Falqué

O Celta tratará de incorporar ao vigués Iago Falqué durante a vindeira semana.

A incorporación do vigués á disciplina céltica parece cada vez máis preto. O adestrador do Celta, Hristo Stoichkov, e o pai do xogador terán unha reunión a vindeira semana para tratar a incorporación do xogador ao club vigués de cara á próxima temporada. A incorporación sería mediante unha cesión sen opción de compra xa que desde o Camp Nou ven ao xoven xogador como unha promesa moi sólida.

O descenso á terceira división do filial do Barcelona sumado a que a súa familia ten o seu domicilio habitual en Vigo fan a súa incorporación máis que posible. O xogador actúa de interior esquerdo ou na mediapunta.

 ¿Veríades con bos ollos outra cesión estilo Silva? ¿Vos parece ben que o Celta lle forme xogadores a outros equipos? ¿Mellor ter a estes xogadores un ano que ningún?