A dúas bandas: Se baixamos …¿Debe continuar Stoichkov?

Sen querer ser excesivamente pesimistas, a situación nos obriga, tal e como dixo o noso adestrador, en ir pensando nun proxecto de futuro, seguramente na segunda división. Por iso hoxe plantexamos en TodoCelta un debate sobre a continuidade do técnico búlgaro no caso de que finalmente descendamos de categoria.

Pero ante todo, que quede claro, mentres hai vida, hai esperanza. Non morramos antes de que nos maten. Let’s go Celta 

Pois eu coido que si debe continuar Hristo. Ata o de agora o adestrador búlgaro non demostrou demasiado, pero a situación na que chegou tampouco lle axudou moito. Aceptou unha proposta case suicida na que pouco tiña que gañar, un equipo afundido tanto anímica como fisicamente con moitos dos xogadores máis fóra que dentro do equipo. No seu primeiro partido conseguiu sacar os 3 puntos e logrou unir e ilusionar a unha afeción dividida entre os “pro” e “anti” Vázquez. Despois do derby non voltamos gañar, pero coido que non é problema do adestrador se non dos xogadores. Stoichkov pode aportar moitas cousas a este equipo; ten un carácter gañador que pode facer moito ben a este equipo, coñece perfectamente as sensacións dos xogadores nas diferentes situacións (lembremos que xogou a un alto nivel ata hai ben pouco) e sobre todo ten unha capacidade mediática que nos pode vir moi ben na segunda a nível de arbitraxes e impoñer respeto ao rival. Por todo isto eu digo SI a Stoichkov.

Rotundamente NON. A situación é demasiado delicada como para apostar por un técnico moi mediático, pero con ningunha experiencia e unha máis que dubidable capacidade como adestrador. É certo que cando chegou a Vigo a situación era máis que delicada polo que non se lle pode culpar do máis que presumible descenso, pero tamén é certo que fracasou en tódolas súas probaturas, algunha delas de xeito tan estrepitoso como o dia do Mallorca, un auténtico suicidio. Os seus actos denotan un nulo coñecemento do actual RC Celta, por moito que dixera a súa chegada. Canto menos coñecerá ao Ciudad de Murcia ou ao Poli Ejido…. A Stoichkov hai que agradecerlle a súa valentía á hora de aceptar este proxecto e o seu compromiso ao aceptar adestrar na segunda división, pero se realmente queremos facer un proxecto para ascender, deberíamos buscar outro perfil de adestrador, curtido nas lides da categoría de prata, e a poder ser con experiencia xa nalgún ascenso. Senón venderemos moitas camisetas, pero todas en segunda.

¿E ti?¿Que pensas?

A dúas bandas: ¿Salvarémonos?

Sufriremos, pero nos salvaremos. Témolo na man. Somos, sen dúbida, o mellor equipo dos que estamos nesta loita, e aínda que estamos moi feridos, non estamos mortos. Enfrontémonos con rivais directos, dous deles en Balaídos, e viaxaremos ao Calderón e a Xetafe, onde presumiblemente, xa non se van xogar nada. Todo pasa por gañar ao Levante. Se conseguimos os tres puntos sairemos do descenso e poderemos viaxar a Donosti con outra cara. Ademáis podemos meter ao Betis en problemas, se perde este domingo fronte ao Barça e con Balaídos aínda por visitar. Todo pasa por Balaídos, e estou convencido, de que a afección do Celta, cada día máis exemplar, vai conseguir que o noso estadio sexa o principio do inferno que van ter que vivir os nosos rivais o ano que vén na segunda división. Nós somos de primeira.

Pois desgrazadamente, e moi ao meu pesar, o Celta está condenado á segunda división. Isto non ven de esta xornada, nin da anterior, ven de moito máis atrás. Levamos dúas victorias en 22 partidos, 3 partidos consecutivos perdendo sen marcar un gol e 9 puntos dende o mes de novembro. Algo estivo mal planificado dende o comezo. A confección da plantilla foi errada totalmente. Fixeron un equipo moi limitado en moitos aspectos; plantilla moi curta para tres competicións, defensa con moitas carencias (non temos 4 centrais de garantías e Placente non ten sustituto, non conto a Areias), o centro do campo non crea xogo, só o destrúe e mal, e no ataque, exceptuando a Baiano, non temos ningunha referencia perigosa. Se a iso lle unes a lamentable temporada de algúns dos “teoricamente importantes” como Canobbio, o resultado é a situación que temos actualmente. O peor é que nin o troco de adestrador, nin o “efecto Stoichkov”, nin o incondicional apoio da afección nestas derradeiras datas semella ter efectos nestes desalmados xogadores. Por todo isto, a miña sensación é que imos a segunda irremediablemente. Ogallá me equivoque…

 

¿E ti?¿Que pensas?

A dúas Bandas: ¿Estás de acordo coas protestas do presidente?

Karlos, meu, sintoo moito pero non estou dacordo coa túa apreciación. Máis que demostrado está o feito de que “quen non chora non mama”. Estamos fartos de que sexan sempre os equipos grandes os que ocupen as portadas dos xornais, se leven todos as flores e curiosamente sexan os favorecidos unha xornada tras outra polo nefasto arbitraxe espanhol. Coido que chegado o momento, un debe alzar a voz, dar un golpe na mesa e reivindicar os dereitos que se supon que temos. O noso presi despois do partido do domingo pensou que ese momento chegara, deixou as formas a un lado e protestou por algo que considerou inxusto.¡Pois ben por Mou! Que todo o mundo saiba a inxustiza que sufrimos neste derradeiro partido, e sobre todo, que a próxima vez que veña un arbitro para pitar a un “grande”, o pense dúas veces.

Pois non meu amigo Kike, penso que desta vez o noso presidente deixouse levar polo cabreo propio do post-partido. É certo que Burrull non tivo unha actuación demasiado boa, pero coido que culpar ao colexiado nesta ocasión da derrota céltica non é o máis acertado. O Celta foi víctima dos seus propios erros e da mala sorte, non da actuación arbitral. Aínda que non houbo ningunha xogada clara na que o árbitro nos prexudicase, sí que nas pequenas decisións sempre se barreu máis a favor do Madrid, pero nada do que non esteamos afeitos.Persoalmente botei máis en falta unha crítica como a de onte noutros partidos. Desta vez coido que o presidente pecou de novato. Pero está claro, quen non chora, non mama.

 

¿E ti?¿Que pensas?