Hai un ano: Celta 1 – 2 R.Madrid

31 de Xaneiro de 2006. TodoCelta aínda non existía pero nós xa levabamos 3 anos seguindo ao Celta. Así titulabamos a crónica do partido na sección DetrasDoCelta da nosa web www.detrasdocolexio.com.

Nunha temporada na que os merengues denunciaron en máis dunha ocasión un suposto complot en contra dos seus intereses, o “renovado” Madrid de Lopez-Caro chegaba a un Balaídos onde atopou a un amigo deses que se poden considerar para toda a vida. Falamos, claro está, de Teixeira Vitienes.

O colexiado privou ao Celta dun golazo de Silva que suporía o empate nun momento no que os celestes se amosaban claramente superiores a aquel Madrid

A web oficial denunciaba con esta imaxe o roubo sofrido en Balaídos. Fernando Vázquez calificaba daquela a arbitraxe como “intelixente” porque precisamente, á marxe das grandes xogadas que ocupan portadas, é con pequenas decisións todas orientadas ao mesmo lugar como mellor se decantan os partidos.

En Galiza non esquecemos o acontecido. Pero non con ánimo de revancha, senón co obxectivo de garantir que algo así non volva acontecer. Aquí estaremos nós para denuncialo.

DENTRO DO ARTIGO PODEREDES VER O PRIMEIRO GOL DE LEQUI E O GOL ANULADO A SILVA

O consello de administración reunirase mañá para tratar a situación

O consello de administración do Celta reunirase este luns para abordar o futuro do adestrador, Fernando Vázquez, tralo empate ante o Nástic en Balaídos.

O consello de administración reuniuse tralo partido. O presinte do club, Carlos Mouriño, xustificou a inmediatez desta reunión como preparatoria da oficial que se celebrará mañá e na que previsiblemente abordarase o futuro de Fernando Vázquez.
Mouriño asegurou que non se tratou este asunto e que non sabe se este luns Fernando Vázquez será ou non destituído. “A verdade é que non o sei, o luns temos a xunta e falaremos da situación deportiva, pero non creo que este sexa un tema principal”, dixo Mouriño trala reunión que se prolongou durante unha hora.

O presidente asegurou que o técnico “ten toda a confianza ata que non estea destituído”, aínda que recoñeceu que existe “preocupación” pola situación que atravesa o equipo.

Celta 2 – 3 FC Barcelona

O Celta comezou a nova tempada cunha derrota ante o actual campión, nun partido no que se repetiron erros do pasado, incluídos os arbitrales. Baiano anotou o primeiro gol na liga. O Barça deulle a volta ao partido en 5 minutos de inspiración.

Un gran ambiente, con máis de 28.000 espectadores, e unha tarde agradable de agosto invitaban a un bo espectáculo balompédico. E o partido non defraudou. Non tivo a conxunción nin a calidade que seguramente veranse máis entrada a tempada, nin a emoción propia dos partidos claves. Pero andou sobrado noutras cousas, como polémica, goles …

Fernando Vázquez colocou un once esperado, cos únicos cambios de Placente (co que Anxo xogou na banda esquerda e Lucas na dereita), e o obrigado de Gustavo por De Ridder na banda dereita. Tanto o canario como o corvo, aínda xogando a pé cambiado, foron dos mellores do Celta.

O partido tivo dous partes ben diferentes. Na primeira o xogo foi máis lento, e o Barcelona non creaba demasiado perigo. O gol de Baiano puxo aínda máis nerviosos aos cataláns, que con todo saíron a por todas na segunda parte. Nesta o partido abriuse e chegaron multitude de oportunidades por ambos bandos. En lugar dun 2-3 puido ser perfectamente un 3-2.

“O Barcelona necesitou de dous goles daquel xeito para finalmente vencernos”
Fernando Vázquez, en referencia ao arbitraje de Pérez Lasa

Entre medias, Pérez Lasa, que concedeu dous goles (o primeiro e o terceiro) cando menos, dubidosos, ademais de expulsar por dobre amarela a Iriney.

Para ser o primeiro, para ser o Barça o rival, para faltar no once xogadores como De Ridder, Placente ou o xa celeste Pablo García, para vir dunha pretemporada tan nefasta en canto a resultados, para o arbitraje sufrido? a verdade, non está nada mal.

Algúns verán o futuro do Celta abaixo; outros, arriba. Démosle tempo a este proxecto, a que se conjunten as pezas, e despois xulgaremos. Isto acaba de empezar.

crónica:celestes.org