Previa Celta – Numancia

O Real Club Celta inicia este sábado a súa andaina na tempada 2009/21010 cun interesante partido ante un recén descendido, o CD Numancia (Balaídos, 18.00 horas). O club fixou para este encontro prezos económicos, entre 10 e 25 euros, có fin de propiciar que o equipo se sinta arroupado no seu ilusionante debut. Ademais, por só 5 euros máis os afeccionados poderán adquirir unha entrada para o partido de Copa ante o Real Unión.

Eusebio, presentado.

 

Eusebio Sancristán asegurou na súa presentación como novo adestrador do Celta, en substitución do cordobés Pepe Murcia, que el sempre necesitou retos» e sacar ao equipo vigués desta situación éo. O valisoletano recordou os seus dous anos como xogador no cadro vigués. «O Celta acolleume cos brazos abertos ao concluír a miña etapa como futbolista do Barcelona».

 

 

«Aquí pasei dous anos moi felices e agora volvo ilusionado para pór o meu traballo, a miña ilusión e a miña entrega ao servizo deste club>>.

Referiuse ao «difícil momento» polo que atravesa o seu novo equipo. «Perotodo é cuestión de cambiar de dinámica, e isto pasa polo traballo e por recuperar a confianza e a fe». «Sempre tiven e necesitei de retos ao longo da miña carreira deportiva e este é un e afróntoo con ganas, confianza e seguridade», puntualizou.

 

 

Interrogado a preto dos acenos de identidade que aplicará ao Celta, o ex axudante de Rijkaard explicou que «os equipos sempre reflicten a personalidade dos seus xogadores» e que el ten unha forma moi clara de entender o fútbol.

«Pasei gran parte da miña carreira no Barcelona e estou influído polo seu estilo, segundo as pautas que marcou Johan Cruyff», proclamou, e recalcou: «Estiven no Barca, pero tamén no Celta e o Valladolid, e de todos os meus adestradores fun quedándome con cousas. Con toda a miña experiencia, extraín o meu propio criterio».

Eusebio, novo adestrador do Celta

 

Eusebio Sancristán chega sen experiencia en Segunda División e cun currículo como técnico pegado ao Barcelona, onde foi axudante de Frank Rijkaard. Trátase dun ex xogador do Celta, dúas tempadas na década dos noventa e como futbolista sobresaíu pola súa capacidade técnica. A súa carreira deportiva realizouse no Atlético de Madrid, Valladolid e FC Barcelona onde viviu os seus mellores anos.

O seu primeiro labor será conseguir a permanencia en Segunda, para o que necesita un mínimo de 17 puntos máis, e a partir de aí comezar a construír o proxecto da próxima tempada. Esta tarde será presentado e a partir do mércores comezará a adestrar ao equipo con míralas postas no seu debut o sábado ante o Huesca nun partido de alta voltaxe.

Sete meses foron suficientes para pór fin á etapa de Pepe Murcia á fronte do Celta. Como lle sucedeu nos seus tres equipos anteriores, en Vigo tampouco pasou dunha curta experiencia. Os seus números van por refachos e igual que lle sucedeu no Atlético de Madrid ou Xerez, os seus momentos bos son tan álxidos como profundas as súas caídas. Isto levoulle a non ser capaz de completar unha tempada en ningún dos últimos catro clubs aos que dirixiu.

 

Mañá saberemos cantos somos

O RC Celta publicará mañá os datos oficiais da campaña de abonados desta temporada 2007/2008.

Marián Mouriño, Directora de Marketing da entidade celeste dará unha rolda de prensa en Balaídos ás 18.00h onde informará dos resultados acadados nesta longa campaña de abonados.

O RC Celta diminuiu ao redor dun 20% o prezo dos abonos, ao mesmo tempo que puxo en marcha novedosas iniciativas como o “avonetiño”, as bancadas laterais en Tribuna e Río, etc. Todo isto foi acompañado polo polémico spot emitido en radios e televisións ao longo das últimas semanas.

Nas derradeiras datas o Presidente da entidade avanzou unha melloría nos datos do anterior descenso ao igual que un incremento da asistencia media en comparación coa última campaña en Segunda.

2 partidos para López Caro.

Castigo exemplar para López Caro, ao máis puro estilo FV. O Comité de Competición vén de castigar ao adestrador do RC Celta con dous partidos de sanción trala súa expulsión o pasado domingo en Balaídos.

Dende o RC Celta xa se anuncia que recurrirá esta sanción, pero non a de Rubén, que terá que cumprir o castigo este domingo  fronte ao Sporting.

¿Que lle dixo Caro ao colexiado? 

Martínez Cobas abandona o Celta

Sorpresa en CasaCelta. Xabier Martínez Cobas abandona o Real Club Celta despois de ano e medio ao fronte da Dirección Xeral do clube e despois de se converter nunha das facianas máis visíbeis do proxecto Mouriño.

Cobas chegou á entidade celeste procedente da Universidade de Vigo e pronto se gañou a simpatía de boa parte do Celtismo pola súa imaxe e competencia no traballo.

Unha perda importante para o Consello de Administración de Carlos Mouriño.

Xa temos novos capitanes

Canobbio, Perera, Jorge e Esteban, novos capitanes.

A capitanía do Celta, medio valeira ata o día de onte, xa ten novos representantes. O uruguaio Fabián Canobbio (4ª temporada no equipo), o pacense Jesús Perera (tamén 4º ano), o canario Jorge Larena (3º curso no Celta) e o asturiano Esteban Andrés (tamén 3ª temporada) son os novos capitáns do Celta por orde de antigüedade e actuarán como tal cando o “capi” por excelencia, Jose Manuel Pinto, non poida estar.

A novidade máis importante está na renuncia a este posto do chileno Pablo Contreras que o pasado ano ocupaba o posto de “segundo de a bordo” tras Pinto. A súa difícil situación con Stoichkov parece estar destrás desta situación. Os tres anteriores capitanes do Celta sairon no verán: Borja Oubiña cedido ao Birmingham City, Yago Yao fichou polo Cádiz e Ángel López foi traspasado ao Villarreal.

Plaga de baixas na visita ao Molinón

O vindeiro fin de semana antóxase moi importante nas aspiracións de ascenso do Celta. O conxunto vigués visita un equipo enrachado e que actualmente ocupa a segunda posición na taboa clasificatoria, o histórico Sporting de Xixón.

O Celta está plagado de baixas pero intentará recuperar a Canobbio na súa visita ao Molinón. O mediapunta uruguaio sufriu o pasado domingo unha escordadura do nocello dereito nun lance máis cómico que outra cousa co colexiado do encontro. O doutor do Celta, Mario Galán, non descarta que poida recuperarse para o compromiso do domingo, aínda que é pouco probable.

Por outra banda confirmou así mesmo o alcance da lesión de Roberto, unha escordadura do ligamento lateral interno do xeonllo esquerdo que lle impedirá volver xogar en dúas ou tres semanas.

Estas dúas baixas súmanse ás xa coñecidas do expulsado Rubén e os tamén mancados Guayre, Mario Suárez e Peña. Esta situación podería provocar a inclusión na convocatoria dos dous búlgaros (Manchev e Zanev) que parecen non contar para o novo técnico López Caro. Os canteiráns Richi e Dani Abalo tamén poderían ter a súa oportunidade.

Lista de Convocados Celta-Numancia

O RC Celta acaba de publicar a lista de convocados para o partido deste domingo fronte ao Numancia.

Destacan, ademáis do regreso de Okkas e Diego Costa, a entrada de Contreras na convocatoria. Os tres marxinados da era Stoichkov xa están na lista.

Caése Manchev por decisión técnica e Roberto Souza, Mario Súarez, Guayre e Peña por lesión.

Esteban, Lucas, Vitolo, Lequi, Núñez, Jorge, Canobbio, Okkas, Pinto, Perera, Contreras, Adrián, Diego Costa, Roberto Lago, Jonathan Vila e Quincy.

Guayre volve mancarse

O pobre de Antonio Guayre non sae dunha para meterse noutra. Se hai uns días anunciabamos a volta de Guayre aos adestramentos co resto do plantel, hoxe toca falar de todo o contrario.

Segundo nos informa o gabinete de prensa do R.C.Celta, Antonio Guayre sofre microrrotura fibrilar nos isquiotibiais do muslo dereito. O mediapunta canario permanecerá de baixa entre dúas e tres semanas.

Dende TodoCelta deseámoslle unha pronta recuperación.