W.Bremen 2-0 Celta

O Celta, víctima dunha lamentábel arbitraxe e dos seus propios erros despídese de Europa ao caer en Bremen por 2 goles a 0.

Un claro penalti non pitado sobre Guayre á media hora de partido, un gol de Almeida en posición máis que dubidosa e un gol legal anulado a Perera foron demasiada lousa para un Celta que contribuiu á debacle coa enésima perda de balón de Nené que remata en gol.

Stefano Farina, colexiado italiano encargouse de estragar as ilusións dun conxunto celeste que saiu moi ordeado en defensa xogando con tres centrais co obxectivo de desfacer as previsibéis envestidas xermanas.

O Celta controlou o partido sen problemas nese primeiro treito da primeira metade e incluso tivo algunha ocasión. Nesa chegou o claro derribo de Guayre na área alemana que Farina decidiu obviar e castigar con cartón amarelo ao canario. O italiano comeuse un claro penalti a escasos metros da xogada e prexudicaba do novo ao Celta nesta eliminatoria.

No segundo tempo o ritmo cambiou, adiantáronse liñas, abríronse espazos e chegaron as ocasións.

Os celestes perderon a súa colocación e sobriedade en defensa e no minuto 16 encaixaron o primeiro tanto obra de Almeida en posición máis que dubidosa. Ao igual que acontecera no encontro de ida, o Werder colleitaba demasiado premio grazas a un gol ilegal.

O Celta non arroxou a toalla e pronto respondeu cun gol de Perera (que substituíu a Guayre mancado) que foi anulado inxustamente polo colexiado. De novo Farinas erixiuse protagonista ao sinalar un existente fóra de xogo ao dianteiro pacense do Celta.

Os homes de Fernando Vázquez quedaron noqueados despois dos clamorosos erros do colexiado e perderon o rumbo do partido. O banco non se movía.

No minuto 61 o Celta tirou definitivamente a eliminatoria despois de que Nené protagonizara a súa enésima perda de balón dun xeito infantil que finalmente acaba en gol.

Nese momento esgotouse toda esperanza. O Celta renunciou á eliminatoria pero intentou morrer con toda a honra posible. Ata en tres ocasións puido bater o Celta á portería de Wiese, pero hoxe non era o día.

Remata deste xeito a andadura do Celta nunha dura Copa da Uefa que o enfrontou cos máis duros rivais e no que os galegos amosaron a súa mellor cara da temporada.

O Celta volve á realidade. Queda agora unha dura e fea pelexa por manter a categoria. O domingo, ao Pizjuán.

Previa Werder – Celta

Chega o momento da verdade. O Celta intentará hoxe protagonizar a “machada” da temporada vencendo a o gran aspirante a levarse a UEFA deste ano remontando o inxusto e adverso marcador de Balaídos.

Os homes de Fernando Vázquez confían nas súas posibilidades e agárranse á boa imaxe mostrada en competición europea e aos adversos resultados que o Werder Bremen acadou na bundesliga.

O Celta sairá a non encaixar e intentar sorprender ao contragolpe aos alemáns. Moitas son as novidades que se poderían ver hoxe no once do Celta, aínda que con Vázquez nunca se sabe. Guayre, Jonathan, Nené ou incluso Jorge ou Perera poderían volver ao once inicial.

No Werder as dúbidas están no seu xogador estrela, Klose, que sofre molestias e quizáis se borre da convocatoria. Neste caso Almeyda se convertiría no seu referente en punta.

Diversas opcións teremos esta tarde para poder seguir este interesante encontro. Como é habitual, TodoCelta RADIO retransmitirá vía internet o encontro. laSexta retransmitirá o partido e, ao igual que fixeron no Steaua-Sevilla, ofrecerán as imaxes do encontro vía internet dende este enlace.

Tamén en celestes.org nos ofrecen seguir o encontro vía texto.

Hoxe non hai motivo para non seguir ao Celta. Hoxe todos co noso equipo. A pola xesta!!

Celta 0 – 1 W.Bremen

O Werder Breme

Werder Bremen, a fondo

Diego e Klose, homes a vixiar

Weserestadion, o coliseo de Werder

Os altibaixos dos alemáns

O Werder Bremen

O Werder Bremen foi fundado no 1899 co nome orixinal de FV werder. En 1920 adoptou o seu actual nome de SV Werder Bremen, aínda que como ocorreu con moitos equipos alemáns, sufriu un desmantelado na Segunda Guerra Mundial. En 1945 o club volveuse a reorganizar baixo o nome de Gymnastics and Sport Club Werder of 1945, aínda que pronto se cambiou a Sport Club Green White of 1899. En 1946 conseguiría recuperar o nome de SV Werder.

O Werder Bremen é un equipo habitual nas primeiras posicións da Bundesliga, aínda que só conseguiu gañala en catro ocasións. Desde a súa última vitoria, na tempada 2003-04, acabou nas primeiras posicións da clasificación alemá, sumando boas actuacións na Liga de Campións. Actualmente é segundo aínda que foi campión de inverno.

O seu maior logro a nivel internacional foi a vitoria na extinta Recopa de Europa na tempada 1991-92, impoñéndose ao AS Mónaco por 2 goles a 0.

 

En busca da xesta

Se vos gustan as apostas, e sodes incondicionais do noso equipo, non o dubidedes. O pase do Celta a cuartos de final págase a case 8 euros nas casas de apostas. E se estades convencidos da superioridade do noso equipo, podedes gañar ata 250 € por euro xogado apostando por unha goleada.

Estes datos semellan un claro indicador das dificultades que vai ter o noso equipo para acceder á seguinte rolda da competición europea.

Pero os xogadores viven á marxe deste tipo de datos e viaxaron á cidade dos Trotamúsicos convencidos da súa victoria. Sorprendente o optimismo dun plantel que viaxa cun resultado desfavorábel ao campo do máximo favorito a levarse esta competición.

O Celta terá que apelar ao espírito dos anos dourados para conseguir unha remontada, tal e como fixeran no Villa Park despois de perder por 0-1 en Balaídos.

Pero está claro, que este equipo non é o mesmo que o daquela época. Ademáis, o once que saltará hoxe ao Wesserestadion será un equipo de circunstancias. Con Esteban na porta, veremos a Jonathan no lateral dereito, con Yago e Lequi de centrais e Placente na banda esquerda. Pablo García estará acompañado por Tamas e arriba Nené recuperará a súa titularidade, asi como Guayre que acompañarán a Canobbio e a … ¿Núñez? na dianteira.

Ánimo De Ridder

Tal e como comentan en celestes.org, Dani De Ridder semella ter unha maldición esta temporada.

O extremo holandés, un dos favoritos da afección viguesa, saltaba onte ao campo despois de moito tempo de esquecemento no banquiño. Dende a final da Copa Xunta o 22 celeste non volveu a participar no equipo, levantando todo tipo de suspicacias sobre a súa relación co adestrador.

Onte Dani tivo a súa oportunidade, pero con tal mala sorte de caer mancado ao pouco de entrar no terreo de xogo. Apenas 10 minutos aguantou sobre o céspede.

Ademáis nese preciso momento o Celta encaixaba o gol ilegal ao entregar o balón ao Werder, que se aproveitou da ausenza de De Ridder para entrar por esa banda e poñer o inxusto 0-1 no marcador.

Segundo o parte médico de hoxe, De Ridder sofre unha escordedura de grao un no ligamento lateral interno do xeonllo esquerdo.

Esperamos velo de novo sobre o campo. Ánimo Dani.

Celta 0 – 1 Werder

Non puido ser. O Celta caeu hoxe, inmerecidamente, fronte ao Werder Bremen nun disputado partido que se decantou do lado alemán no minuto 84.

Os homes de Fernando Vázquez plantaron cara a un duro rival como era o Werder, que sufriu máis do acostumado para vencer aos vigueses.

O Celta intentou controlar un partido no que destacou a seguridade de Pablo García no mediocampo e Lequi na defensa. Pero a falta de acerto nunha dianteira na que se desaproveitaron numerosas ocasións, propiciou que Almeida co seu solitario gol, e en fóra de xogo, compricara moito as aspiracións do Celta nesta Copa da Uefa.

Finalmente houbo unha pobre entrada en Balaídos, con escasa presenza de siareiros alemáns, pero que se compensou co excelente ambiente vivido no Estadio ao longo do partido, algo extraño nos últimos tempos.

ÚLTIMA HORA: Contreras descartado

Tal e como nos informan en celestes.org, o día comezou mal para o Celta.

Pablo Contreras tivo que abandonar o hotel de concentración do RC Celta ao non se recuperar das súa contractura muscular e causará baixa no partido de hoxe.

Ademáis Ángel segue sendo dúbida por mor das súas molestias no xeonllo, polo que tampouco se pode garantir o seu concurso no choque desta noite.

Previa Celta – Werder Bremen

Balaídos acollerá esta noite unha gran noite de fútbol europeo. Como partidazo está bautizado o choque de hoxe na prensa alemana, que ten no Werder Bremen a súa aposta polo “jogo bonito” da man do mítico técnico Schaaf e con xogadores de grande calidade como Diego ou o propio Klose, a estrela do equipo, aínda que estea a pasar por unha importante seca goleadora.

O Celta intentará amosar a súa excelente faciana europea, que contrasta coa pésima versión ofrecida na liga. A dúbida hoxe estará no mediocentro. As xa coñecidas baixas de Iriney e Borja Oubiña compricarán e moito a labor a Fernando Vázquez quen dubida se apostar por Pablo García ou reservalo para o domingo fronte ao Ath.Bilbao.

Outra novidade pode ser na punta, onde Perera podería recuperar, meses despois, a titularidade.

O Celta espera finalmente a movilización do celtismo. Ata o momento xa se venderon máis do dobre de suplementos que fronte ao Spartak, pero de todos xeitos non se esperan máis de 15.000 siareiros, dos cales 600 serán alemáns.

Schaaf teme ao Celta

Werder Bremen, a fondo

Diego e Klose, homes a vixiar

600 alemáns estarán en Vigo

Weserestadion, o coliseo de Werder

Os altibaixos dos alemáns

Schaaf teme ao Celta

O Werder chegou onte a Vigo e adestrou en Balaídos. O técnico alemán compareceu en rolda de prensa xusto antes da sesión preparatoria e falou sobre a eliminatoria.

Schaaf, ex-xogador do conxunto alemán durante 16 temporadas, presenciou o partido do Celta en València e comprobou que “ a situación na liga española non reflicte a calidade deste equipo”.

“A Copa da UEFA é unha competición diferente e terán a posibilidade de xogar máis libres, sen demasiada presión e evidentemente para nós iso é algo negativo e perigoso”

“Coñecemos os problemas do Celta na liga española, pero a UEFA é outra competición na que pode xogar sen presión e motivado. Xa o demostraron en moitos partidos desta competición, así que a súa mala situación na liga é algo que non nos beneficia”

SV Werder Bremen

No fútbol actual non abundan os equipos que practiquen un xogo bonito e vistoso; o Werder, xunto co Barcelona e o Olimpique de Lyon, é un das excepcións. En alemania disfrutan do equipo de moda por prácticar un xogo ofensivo e por enfrontarse ao fútbol físico que tradicionalmente se practicou no país bávaro. Aínda así, o equipo alemán é fisicamente un conxunto moi competitivo (8 homes da plantilla superan o 1´90 cm. de altura).

O causante de todo isto chámase Thomas Schaaf. O alemán sempre estivo ligado ao club bremense, como xogador xogou 16 tempadas xogando un total de 263 partidos. O adestrador alemán é un amante do fútbol preciosista e un admirador de Johan Cruyff e do seu antigo Dream Team. Schaaf é un técnico xove (46 anos) que promulga coas súas boas relacións coa prensa e cos seus xogadores.

O Werder posúe unha plantilla moi completa e extensa. No eixe da defensa posúen dous homes experimentados cun gran xogo aéreo como son Naldo e Mertesacker. A defensa a completan os laterais que acostuma a rotas, aínda que os máis habituais son o camerunés Wome e Fritz. O resto do equipo está pensado moita máis en atacar que en defender.

Do centro do campo hacia diante acumulan homes de moitísima calidade. Destacan por encima do resto, o mediapunta brasileiro Diego (ex-compañeiro de Robinho no Santos), nomeado o mellor xogador da prmeira metade da Bundesliga, e o dianteiro Miroslav Klose, a estrela do equipo e o seu home máis coñecido. Estes dous homes son a base do ataque do equipo alemán e os homes de máis calidade dos alemáns. Para completar o ataque, o Werder, posúe outros homes de moita calidade como o centrocampista Torsten Frings (un medio centro curtido en mil batallas de moita brega e non exento de calidade), Tim Borowski (centrocampista de moita capacidade física e chegada que non estará en Vigo por mór dunha lesión), Jurica Vranjes (centrocampista croata de gran habilidade) ou Aaron Hunt (un dianteiro bastante potente e coa portería sempre entre cella e cella).

En resumo, o equipo que o Ceta vai ter en fronte será un equipo moi ofensivo (o equipo máis goleador do continente) que non se vai encerrar atrás e que deixará bastantes ocos. Pola contra, debemos vixiar os ataques estáticos e permanecer moi de preto dos homes máis perigosos como Diego ou Klose.