Mañá saberemos cantos somos

O RC Celta publicará mañá os datos oficiais da campaña de abonados desta temporada 2007/2008.

Marián Mouriño, Directora de Marketing da entidade celeste dará unha rolda de prensa en Balaídos ás 18.00h onde informará dos resultados acadados nesta longa campaña de abonados.

O RC Celta diminuiu ao redor dun 20% o prezo dos abonos, ao mesmo tempo que puxo en marcha novedosas iniciativas como o “avonetiño”, as bancadas laterais en Tribuna e Río, etc. Todo isto foi acompañado polo polémico spot emitido en radios e televisións ao longo das últimas semanas.

Nas derradeiras datas o Presidente da entidade avanzou unha melloría nos datos do anterior descenso ao igual que un incremento da asistencia media en comparación coa última campaña en Segunda.

Adrián Trotamundos

Sorpresón o que me levo hoxe, torrada en man, cando abro o FARO a primeira hora da mañá. E é que, a doble páxina e a toda cor, vemos hoxe a Adrián Rodríguez, ex-compañeiro dos Maristas e amigo celtista nunha reportaxe onde nos amosa a súa paixón pola elástica celeste ao redor do mundo.

E é que descoñecía totalmente esta faceta de Adri. Aínda lembro a última vez que o vin nas bancadas de Rio Baixo. Foi no último partido de liga do ano pasado onde, desgraciadamente consumamos o descenso. Falamos de TodoCelta, proxecto que seguia dende Barcelona, e de que chegara a Vigo dende a cidade condal exclusivamente para asistir a Balaídos.

Pero agora, en máis dunha ducia de fotos, podemos ver a súa particular volta ao mundo coa camiseta do noso equipo. O Cañón do Colorado, Tailandia, Escocia, Irlanda, Vietnam …. son algúns dos sitios polos que Adri paseou a camiseta celeste.

Moitas anécdotas en outras tantas viaxes, como a que conta do afeccionado chino que, ao velo coa camiseta celeste, achegouse a el e lle comentou que o seu equipo dende pequeno era o Celta, e o seu soño viaxar a Vigo. Impresionante.

Pois nada, da miña parte, e supoño que da de Kike e Iago tamén, mandámoste unha agarimosa aperta chea de orgullo celeste. Grande Adrián.

Karlinhos.

Begoña Vázquez volve á presidencia

O culebrón da FdP parece que vai chegando ao seu fin. Polo momento xa temos presidenta, Begoña Vázquez.

A que fora máxima mandataria da Federación durante dez anos volve ao cargo despois de que onte, por fin, se realizaran as eleccións.

Segundo nos conta JES en siareiros.net, a asemblea comezou con certa tensións por mor do acontecido nas dúas últimas xuntanzas pero pronto se viu a clara intención de sacar o tema adiante.

Cunha alta participación (algo máis do 90% do total), Begoña erixiuse presidenta co 56′9% dos votos inaugurando así un novo mandato de catro anos no que esperemos a Federación de Peñas remate coas súas crises, peche as súas fendas e volva a ser o referente de celtismo que todos queremos.

Dende TodoCelta expresamos a nosa noraboa á lista encabezada por Begoña e lles desexamos a mellor das sortes nesta nova andaina.

Volve videoscelestes

Baixo o nome de videosdelcelta.com, volta a coñecida web videoscelestes segundo podemos ler en celestes.org.

Seis meses depois da súa desaparición da rede, a web volve á carga con todos os goles da pasada temporada e da actual, sendo posíble a súa descarga e únindose á actual videoscelestes, promovida por celestes.org.

Agradecéndo a volta deste importante site para o celtismo, desexámoslle a mellor das sortes nesta nova andaina.

¿Cantos abonados ten o Celta?

Lemos hoxe no Flog do Celta, un interesante artigo sobre a masa social do noso clube. E é que en pleno mes de Outubro non temos ningún dato oficial, nin tan sequera aproximación, do número de socios que ten o Celta nesta temporada na segunda división.

Non sabemos cantos quedarán daqueles 18.101 abonados oficiais que tiña o equipo o ano pasado, nunha temporada na que os celestes non foron quen de reunir a máis de 9.000 siareiros no vello Balaídos.

Es la pregunta del millón que casi nunca sabemos. El año pasado teoricamente, el Celta tenía 18.000 socios, aunque luego a la hora de la verdad en Balaídos solía haber unos 15.000 espectadores, si es que los había. Al final, la media de espectadores alcanzó la cifra de 18.000 espectadores por partido, en gran medida, motivado por las buenas asistencias que se alcanzaron en las últimas jornadas del Campeonato.

[Artigo Completo] 

Comeza a carreira pola FdP

Despois de que JES retirara a súa candidatura á presidenza da Federación de Peñas, despois de que lla botaran abaixo por uns “defectos de forma” nas últimas eleccións, xa temos candidata á presidenza. E por partida doble.

E é que Rosa Iglesias (presidenta saliente) e Begoña Vázquez (ex-presidenta) competirán polo cargo encabezando senllas listas o vindeiro 7 de Outubro.

Begoña, que fóra presidenta durante 10 anos, competirá con Rosa, a máxima mandataria da Federación nas últimas dúas temporadas. Intentarán apagar o lume existente nunha federación que leva meses “en pé de guerra” e protagonizando numerosas polémicas.

Ás que ata ben pouco eran intimas amigas, compañeiras da Federación, agora son rivais directas. Nunhas semanas teremos a solución a este entramado do que agardemos só saia beneficiado o Celta e o celtismo.

Seguiremos ao tanto…

Volve Plató Abierto

Este venres volve ás pantallas de Localia Vigo, Plató Abierto Viernes, espazo conducido por Belén Álvarez tódolos venres a partir das nove da noite.

Para comezar a temporada, Plató Abierto vístese de celeste para recibir a Everton Giovanella. Coñeceremos máis a fondo a este xogador, un dos máis queridos da afección celeste.
E despois TodoCelta terá o pracer de participar no xa habitual Rincón Celeste do programa, no que falaremos do comezo de temporada, analizaremos as novas fichaxes do equipo, e moitas cousas máis.

Asi que xa sabedes, mañá a partir das 21.00h en Localia, volve Plató Abierto Viernes 

Faite socio de Celtarras

Blog Celtarras

A partires deste domingo, e dende unhas duas horas antes do comezo do encontro do Celta ante o Las Palmas, xa poderedes facervos, por únicamente 10 euros, socios de Celtarras.

Poderedes anotarvos tanto na nosa zona habitual antes dos encontros ou mesmo no interior da bancada de Fondo durante o descanso. Dende esta tempada, procuraremos que os socios se beneficien en canto a descontos en viaxes, material, etc, así como noutras cousas relacionadas con esta peña.

 

Xa se están facendo os carnets, desta volta en formato tarxeta de crédito, a agardamos telos xa disponibles precisamente para este vindeiro domingo, para poder dalos no mesmo intre no que cada persoa vaia facéndose socia. Así que xa sabedes, este finde a facerse todos socios.

 

Nova web celeste

 

A comunidade celtista na rede segue a medrar. Se nas últimas semanas dábamos a benvida a HalaCelta, DiarioCeleste, ZeltadeVigo e á refundación de Delcelta.com, é turno agora de Sempre-celta.com, que se ven a sumar á xa longa lista de webs que falan da actualidade do noso equipo.

Dámoslle a benvida a este novo proxecto ao que lle desexamos a mellor das sortes e do que seguiremos atentamente a súa evolución.

Benvidos de novo, delcelta.com

Como ben din na súa presentación, volven aínda que realmente nunca marcharon. Delcelta.com volve á web cun novo formato e novo enfoque.

A web, unha das máis veteranas e coa maior e máis importante comunidade de usuarios do celtismo, volve á carga cun novo site a modo de magacine, que intentará dar un novo enfoque á actualidade celeste.

Dende TodoCelta dámoslle a benvida e lles desexamos a maior da sorte nesta nova aventura 2.0.

Lémonos.