Os Protagonistas do Clásico

Xa estamos de resaca. De resaca do derbi, claro. Aínda que non dispoñemos de moito tempo xa que o xoves xogaremos en Inglaterra fronte ao Newcastle, agora é o momento da análise e dos que foron os protagonistas do partido.

Sen dúbida temos que destacar a Nené, autor do gol, o excelente partido de Canobbio e o “debut” de Yago.

NENÉ

“Estou moi contento e feliz. Para nós e a xente de Vigo era o partido máis importante da Liga. Grazas a Deus saiunos todo ben e volvemos cunha vitoria”.

O brasileiro onte era a imaxe da felicidade. Aínda que despois do partido non quixo realizar ningunha declaración, onte non puido aguantar e expresou a súa felicidade.Nené acadaba o seu cuarto gol esta temporada. Outro gol importante foi o do Bernabeu, aínda que para el non significa nada marcar neses importantes escenarios.

“É normal que estea feliz, os goles son para iso, pero o importante é que o equipo consiga gañar. Así o que temos é dobre felicidade”.

CANOBBIO

O charrúa é un xogador de grandes citas. A de Riazor era unha delas e como non, apareceu. Realizou un gran partido marabillando coa súa calidade e xogo. Motivación non lle faltaba:

“O clásico é o partido máis importante do ano polo que significa para a nosa afección e hai que gañalo sempre”

“Quédome coa actitude do equipo. Onte demostramos que cando xogamos en conxunto, ben arroupados, podemos facerlle fronte a calquera rival.”

YAGO

Yago Yao volveuse a sentir futbolista o domingo na Coruña. Despois de dous anos sen xogar ao fútbol, o céltico tivo a gran responsabilidade de re-debutar nada máis e nada menos que nun derbi, e fóra da casa. E non lle podía ter saído mellor. Cuaxou un gran partido e en ningún momento deu mostras de debilidade ou inseguridade. Ata o adestrador, poco propenso a personalizar, tivo unha mención especial para o 19 celeste, ao que considera “xa recuperado e apto para xogar”

- O Celta inscribiulle para esta tempada coa incerteza de se podería xogar un partido oficial. De feito, o adestrador non lle incluíu en moitas convocatorias.
-En catro ou cinco, nada máis.

-Ante a pouca atención que espertaba no técnico, ¿chegou a pensar que non xogaría en todo o ano?
-Non, non. A ilusión sempre a mantiven, malia que houbo momentos difíciles ao ver que non chegaba o momento de participar e competir co equipo; pero a fe nunca a perdín e sempre traballei para estar preparado para cando me chegase a oportunidade.

-Xogou de titular nun clásico en Riazor. ¿Que significado ten ese partido para vostede?
-Non hai dúbida de que me vai a reforzar a moral no meu traballo, e espero que o míster váiame dando confianza para xogar máis minutos. Será unha data moi especial para min porque non é só reaparecer en competición oficial senón nun partido tan importante como o derbi. Vai ser unha data sinalada na miña carreira deportiva.

-¿Como acolleu as palabras de Fernando Vázquez nas que admitiu que “esas dúbidas que tiñamos quedaron resoltas para sempre” e que Yago “confirmouse como unha alternativa válida”?
-Son moi importantes para min porque son consciente, e é lóxico, que ante tanta inactividad xerásense dúbidas sobre a miña capacidade de poder competir. Eu sentíame ben pero non podía competir e demostralo, polo que esas dúbidas seguían no aire. Este domingo, e grazas a que o míster apostou por min, puiden demostrar que estou ben.

-Están a piques de cumprirse dous anos da súa grave lesión. ¿Temeu nalgún momento pola súa recuperación total para o fútbol?
-O día que me lesionei tiven moitas dúbidas porque era unha lesión importante e descoñecida para min. Neses momentos pensei se tería que retirarme. Pero, deseguido, os médicos dixéronme que ía ser un proceso lento, de moito traballo, pero que quedaría ben. E a verdade é que a lesión está esquecida e estou fenomenal.

CELTA COR DA GALIZA

Domingo 19 de Novembro do 2006. Xa temos outra data que gardar nas nosas memorias celtistas, o mesmo que fixeramos a tempada pasada cando o 29 de Abril acadamos unha cómoda victoria por 0-2 no mesmo estadio. Esta vez só puidemos meter un tanto, pero plantexamos o encontro igual que na tempada pasada. Seriedade nunha zaga adiantada, e mermada polas baxas, e contrataque explosivo tendo en Cannobio o xogador máis determinante da noite de onte.

Dende o primeiro minuto, o Celta tomou as rendas do encontro a base da súa adiantada defensa e un excelente traballo dos homes de mediocampo, e un Cannobio sobresainte, o que onte só lle faltou acadar a recompensa do gol.

O Korunha aplicouse en conter as acometidas celestes saindo con rapidez tras cada balón roubado, e volcándose nas accións a balón parado. Caparrós tomou boa conta dos problemas célticos en defender este tipo de accións e apremiou os seus durante a semana. Pero desta volta Vazquez matizou a marcaxe individual, situando a linea de marcadores na frontal, algo que xunto coa intensidade que amosaron os celestes durante os 90 minutos, fixeron que non se sufrise moito nesas accións.

Na primeira parte o resultado terminou co 0-0 inicial e con apenas un par de ocasións para cada equipo, sendo Canobbio e Baiano os celestes que tentaron perforar as mallas deportivistas. Esta primeira parte foiu de ida e volta, pero sen excesiva claridade por parte de ambolos dous bandos nos últimos metros.

Caparrós leu rápido o encontro e fixo o seu segundo troco, anteriormente Arizmeni foi sustituido por Estoyanoff logo de resentirse das súas doenzas, dando descanso a Sergio e introduciondo o futuro aspirante a Mike Tyson, Taborda. A súa misión era clara, recibir os pases en longo dos seus compaeiros para que Cristian Verdú Riky ou Stoyanoff puidesen aproveitar as súas deixadas. Isto non foi posible xa que Yago estubo inconmensurable por alto, pero o Korunha comezou a presionar mais e máis ó Celta. Asi comezou o Celta a xogar a contra, como todos agardabamos durante a semana.

O partido estaba maduro, co campo ancho para os dous equipos, doce para o que soubese aproveitar a súa oportunidade; e ese foi o Celta. Á saida dun corner, Jonathan recupera o esférico, da un pase adiantado para Nené, este devolve a Jonathan e comeza o seu desmarque. Mentres Jonathan sube o balón, Cannobio aparece para axudar a Baiano a abrir ocos na defensa turka, cousa que é aproveitada por Nené para adentrarse só e rematar a pracer o pase perfecto de Aspas, cruzando sobre a saída de Auate. Unha contra perfecta, ABC do fútbol.

O delirio apoderouse de todos os afeccionados que ali estabamos, e se xa montabamos pouca troula, despois do gol non oubo nin un segundo de descanso dando folgos o noso equipo. O máis reseñable a partires dese momento a parte da absurda pero merecida expulsión dun impotente Lopo por simular unha caída na área céltica, foi o despliegue de facultades puxilisticas dun xogador que non se sabe moi ben se algunha vez acadou o rango de futbolista… refírome a Taborda, un home que dende que chegou a Korunha está a pasar con máis pena que gloria e polo menos o que aqui escribe non lembra un gol seu, nin unha actuación de mérito. Nun salto co noso querido Pinto, propinoulle un cobadazo tremendo na cabeza o que fixo que Pinto se revolvese con furia e comoezase un pequeno rifirafe que non pasou a maiores.

Tamén se reclamou un posible penalty a Nené ainda que Velasco Carballo decidiu dar continuidade o xogo xa que Nené esaxerou moito a caida perxudicando os intereses do equipo.Pola sua parte,Velasco Carballo non influiu no resultado e a súa arbitraxe non se pode calificar de deficiente, pois non cometeu errores de bulto a pesar dos moitos barullos que oubo nas áreas. O que si que é reprochable e o escaso criterio á hora de amosar cartóns xa que Cannobio puido sufrir unha lesión que mermaría inda máis os efectivos do Celta cunha entrada moi dura por detrás de Juannma que non viu cartón algún.

Depor 0 – 1 Celta

O Celta volveu a conquistar Riazor por segundo ano consecutivo. O derbi se decantou do lado celeste, empurrado por unha afección incríbel, e amosando a mellor cara do equipo, a de visitante.

Os celestes controlaron todo o encontro, dando unha sensación de seguridade que só se diluiu por mor do cansazo. Todo isto ata o minuto 75, cando, nunha contra de libro comandada por Jonathan, Nené puxo o gol da victoria no marcador.

Os coruñeses non se souberon repoñer do mazazo, e ainda que aguantaron o ritmo do encontro, non puxeron en perigo a victoria céltica.

Gran encontro de Canobbio, xogador que medra nas grandes citas. Cómpre destacar tamén a gran actuación de Jonathan e incluso a de Yago, que despois de dous anos sen vestirse de curto, cumpriu con creces o seu cometido.

Máis de 1000 siareiros vigueses estiveron nas bancadas dun Riazor hostil que recibiu a pedradas un bus chegados dende Vigo, e que se baleirou coas orellas agochadas por segundo ano consecutivo.

TodoCelta estivo en Riazor, como asi se viu repetidas veces no Canal Plus e na TVG, ao igual que nesta foto publicada en FARO.

Ao longo da tarde, e nos vindeiros días iremos descubrindo material inédito do encontro, realizado polos nosos colaboradores. Se ti queres colaborar, aportando algún video ou foto que penses poida ser interesante, non o dubides. Estamos ao voso dispor. Na sección ¿Quen Somos? podes atopar as diversas formas de pórse en contacto con nós.

CORUÑA-CELTA. A POR ELES!!

Levamos toda a semana falando. Hoxe toca actuar. 18 xogadores e máis de 1.000 siareiros loitarán hoxe na batalla máis importante do Reyno de Galiza, o derbi, o clásico, o Depor-Celta.

Se nos fixamos só nos números, o de hoxe só é un encontro máis. Pero a significación do mesmo vai moito máis aló. A eterna desputa de cal é o primeiro equipo do país, vivirá hoxe unha nova batalla. O norte contra o sur, Coruña contra Vigo, o Depor contra o Celta. Toda Galiza estará pendiente do estadio herculino.

O derbi foi subindo de temperatura a medida que se achega ás 9 desta noite. Os deportivistas encargáronse diso. Que se choramos moito, que se o Dépor é mellor en todo que o Celta ….. hoxe hai que deixar de falar.

Na Coruña aínda doe o 0-2 da temporada pasada que deixou aos branquiazuis fóra de Europa, mentres o Celta acadaba de novo a Coroa galega. Hoxe volverémolo intentar.

No aspecto deportivo, como ben xa sabedes, o Celta chega moi mermado polas baixas, aínda que con máis ilusión e gañas que nunca. Vazquez onte, aínda non tiña decidida a aliñación, aínda que a máis probábel sería a seguinte: Pinto, Ángel,Yago, Contreras, Placente, Oubiña, Iriney,Jorge/Jonathan, Canobbio, Nené e Baiano.

Entrementres, o Sala Calvet, actuará cun equipo plagado de mozos descoñecidos, que están aprender o que é o clásico galego. Aínda así, o rexemento disciplinario de Caparrós, ben seguro que nos porá en máis dun apuro.Aoute, Arbeola,Lopo,Juanma,Capdevila,Coloccini,Sergio,Arizmendi, Verdú,Cristian, e Adráin serán os seus protagonistas.

O equipo de TodoCelta viaxa hoxe ao completo cara terras turcas. Sexa cal sexa o resultado, berraremos como os que máis, e traeremos toda a información e moito material inédito para os nosos visitantes. Contamos con vós, precisamos os vosos folgos. Hoxe máis que nunca Galiza ten que berrar HALA CELTA!! 

Convocatoria para Coruña

Fernando Vazquez publicou a lista de convocados para o partido fronte ao Depor.

Finalmente, catro canteiráns viaxarán a Coruña, Jonathan Vila, Dani Abalo, Martino e Roberto Lago. Caeuse a última hora Iago Aspas, que foi expulsado no encontro CELTA B 2 – 2 ALCORCÓN

O que perda quedará tocado

Fernando Vázquez amosáse motivado e optimista para o encontro de mañá. A pesar das numerosas baixas que temos, Vázquez garante que o equipo que salte a Riazor mañá as 21.00 será competitivo e loitará pola victoria.

Ao de Castrofeito preocúpalle a choiva que, case con total seguridade, caerá mañá na Coruña, xa que segundo el, o estilo do xogo celeste non é o máis óptimo para esas condicións.

«Polo noso estilo de xogo non nos gusta xogar con choiva, aínda que si que o campo estea rápido para que o balón circule con rapidez»

Así mesmo, o técnico celeste recoñeceu que aínda non ten decidido o once que aliñará en Riazor ante as numerosas baixas coa que afrontará o choque o Celta, aínda que como recalcou, formará o equipo «máis forte e máis sólido» dentro das poucas opcións que lle quedan.

«Está claro que é un partido especial, gañar o derbi sempre supón un plus de motivación. Non é o mesmo gañar en Tarragona que na Coruña, por exemplo, igual que tampouco o é perder. Por iso, creo que unha derrota pode pasar factura ao que perda»

Carta de Oscar Pereiro

TodoCelta segue recollendo as opinións verquidas por personaxes vencelladas ao Celta. Hoxe tócalle a todo un campión do Tour, aínda que se empeñen en que non sexa así.

Oscar Pereiro fala sobre o Celta na Voz de Galicia. Ademáis, onte foi homenaxeado e nomeado socio de honra pola peña Rikitri, tal e como podedes ver na foto, realizada por JES e publicada na web da federación.

O PRIMEIRO que quero deste derbi é que se dispute un encontro bonito, no que haxa irmandade entre as afeccións e no que, ao final, iso si, gañe o Celta.

O partido será complicado para o Celta. Hai que recordar que é un dos orzamentos máis baixos da Liga e que a pesar diso o equipo é competitivo. Ten moito mérito. Non hai que infravalorar que esteamos na UEFA e que fai nada estivésemos en Segunda.

O xogador do Celta que máis me gusta é Oubiña, que é da canteira. Coñézoo e sei que segue o meu deporte. é un futbolista enorme e ademais temos que apoiar aos de casa.

En canto ao Dépor, rexuveneceuse moito. Antes da revolución que fixo Caparrós coñecíao mellor. Dos de agora, gústame Arbeloa e recordo un gol incrible que marcou Riki.

O partido será moi igualado. De feito, creo que a falta de quince minutos o resultado será empate a un. Xa nos últimos compases do encontro, o Celta meterá o gol da vitoria. Pero o que desexo ante todo é que este sexa un derbi da concordia e que a xente o pase ben.

Fala o Zamora

FARO publica hoxe unha entrevista co gardamallas do Celta, na que analiza os problemas do equipo a balón parado, a chegada dos canteiráns ao primeiro equipo e como non, o derbi do domingo.

Pinto viviu demasiados derbis desde o banquiño como para sentilos como un trámite. O gaditano engade á transcendencia colectiva a súa ilusión persoal.
-Pasan os anos, pasan os derbis. ¿Seguen sendo partidos especiais?
-Sempre. Aínda máis. Ao pasar o tempo séntesche máis identificado tanto co club como coa cidade. Os sentimentos móvense moito. Este partido significa algo máis.

-Moitas tempadas no Celta, pero aínda non demasiados derbis. ¿A época escura permítelle seguir saboreando de forma especial estas citas?
-Eu creo que si. O traballador que consegue un obxectivo a base de suor, que sabe o que sufriu, valórao máis que aquel a o que lle tocou a lotería.

-Parece que o fútbol quere compensar nesta segunda fase da súa carreira o anterior.
-Iso espero. Non é unha cousa que me obsesione, pero quero gozar de cada minuto e cada partido.

-Oito baixas. E non é a primeira vez. Parece que ao Celta sempre se lle acumulan as desgrazas antes dun derbi.
-Nunca me fixara. Son coincidencias.

-¿Exerce de capitán coa chavalada que sobe ao primeiro equipo para este encontro?
-Os rapaces veñen moi respetuosos, con ganas de aprender e unha ilusión tremenda. Así pouco hai que exercer de capitán

-Oubiña advirte que un derbi debe ser responsabilidade dos veteranos.
-É certo. É unha responsabilidade enorme para botarlla encima aos canteranos. Pero tan importante é o granito de area que aporten eles como o que poida aportar eu. A vitoria chegará por un cúmulo de esforzos. Non se lles pode dar responsabilidade, pero a súa axuda será fundamental.

-Un Deportivo mozo, con forza, que presiona.
-Será o seu perigo. Nós temos o noso. Un derbi é un mundo aparte. Un partido non se pode predecir e menos un derbi. No de Balaídos do ano pasado expulsáronme aos vinte minutos, por exemplo.

-As xogadas a balón parado son case máis importantes nesta clase de encontros. E este é o gran pecado do equipo.
-É evidente. A estatística está aí e hai que poñerlle remedio. A concentración e a tensión teñen que aumentar antes de que se vaia a sacar esa xogada. Son os instantes decisivos.

-¿Vostede é dos que cren que é cousa de concentración?
-O demais é tontería. Calquera xogador pequeno pode rematar ou despexar. A concentración é a clave.

-¿O problema é que se xere ansiedade no grupo?
-É o que hai que evitar custe o que custe. Obsesionarse sería un lastre engadido. Debemos estar liberados nese aspecto.

-Vázquez di que hai opcións como a defensa zona, pero que non gusta aos porteiros.
-A min dáme igual. Non teño preferencias.

-Ante o Recreativo chegou a perder a paciencia.
-Son máis de animar que de botar rifas. O do outro día foi unha xogada puntual. O único que reclamaba era atención e concentración.

Tamas non consegue a cautelar

Aínda que dende un comezo se sabía que era algo moi complicado, o Celta aínda tiña algunha esperanza de que o rumano Tamas puidera xogar en Riazor. O propio xogador foi o que insistiu ao clube en que fixera todo o posible para poder participar no derbi, aínda que físicamente tampouco estaba ao 100% ao volver tocado do partido fronte a España.

Finalmente Tamas, terá que ver o partido dende casa, non como Motta ao que sí se lle concedeu a suspensión cautelar.

Cánticos para o domingo

Pois coma indica o título aqui temos unha serie de cánticos que se han de escoitar o próximo domingo no partido fronte o Korunha. Contei coa colaboración do soso inestimable Ialma que me mandou un mail con algúns dos cánticos. Grazas Ialma!!!

Non quero que ninguén chegue o estadio Korunhes e non saiba por onde se atopa cando nos poñamos a berrar e cantar animando o noso querido equipo celeste. Así que este son os vosos deberes para o domingo!!!! Iremos entonando as cordas vocais no autobús de ida coa axuda do alkol. Jejej