Jonathan Aspas asina co Piacenza

Como ben apuntan en Celestes, o ex-xogador do Real Club Celta, Jonathan Aspas, por fin ten novo equipo, trátase do Piacenza italiano. O club transalpino milita na serie B (equivalente á segunda división española) e ocupa actualmente a 15º posición.

Desde que Jonathan saliu do Celta foron moitos equipos os que sairon á palestra como posible destino para o de Moaña. Macabbi, Werder ou Depor ou Sporting foron só algúns dos nomes. Ao final o canteirán xogará en Italia.

Desde TodoCelta deseámoslle a Jonathan toda a sorte do mundo na súa nova andaina por terras italianas. ÁNIMO JONY!

Quincy: “Espero estar moitos anos en Vigo”

Formouse nas categorías inferiores do Ajax. Xogou un partido na liga de Campións cando militaba no Arsenal ante o Rosenborg. é internacional por Holanda desde os 15 anos, agora conta con 21. O futbolista aínda que se dixo que podía xogar por ambas as bandas decántase pola esquerda na que competirá con Adrián e Roberto Lago. «Non estou afeito xogar pola dereita, prefiro facelo pola esquerda».

Sobre a súa decisión de vir a Vigo dixo que «non foi unha decisión moi difícil. é un club coñecido en todo o mundo. Cando souben do interese non mo tiven que pensar moito. Para o meu será un ano importante e tamén para o equipo xa que o Celta quererá este en Primeira a tempada que vén e se lle satisfai o meu rendemento para o meu sería unha honra seguir». A opción de compra do club vigués ligaríalle ao Celta por tres anos máis.

La Voz de Galicia

Okkas xa viste de celeste

Okkas: “Elexín este equipo porque é da primeira categoría española, de alto nivel”.

O primeiro xogador chipriota na historia do Celta foi presentado onte no estadio de Balaídos. Okkas, que afirmou sentirse “encantado”, chega coa responsabilidade de aportar goles e axudar ao equipo en tarefas ofensivas.

O dianteiro chipriota chega a Vigo despois dunha brillante temporada no Olympiakos griego co que se proclamou campión de liga contribuíndo con 3 goles.

Okkas mostrou na rolda de prensa as súas primeiras impresións trala súa chegada a Vigo:

“O Celta é un equipo moi coñecido en Grecia e en Chipre. Salvo na temporada anterior, era un equipo que tiña sempre moito éxito tanto no campionato español como en competicións europeas. Elixín vir xogar a este equipo porque é da primeira categoría española, de alto nivel. Saín como campión de Grecia con Olympiakos e para min sería moi difícil vir a un equipo que non teña protagonismo, que non teña o obxectivo de ser campión ou estar nos primeiros postos.

Veño a este equipo para levalo rapidamente á Primeira División e para iso temos que marcar goles todos. O máis importante é ascender e despois ter protagonismo na categoría á que este equipo pertence.

Os últimos dous meses traballei cun preparador físico cun programa específico para min. Os últimos 15 días empecei a facer a pretemporada cun equipo chipriota e fai uns 20 días estaba concentrado coa selección de Chipre porque temos un partido oficial contra San Mariño. A miña condición física está bastante ben, preciso partidos para estar nunha condición óptima, que é o que sempre me esixo.

Se xogarei ou non en Málaga é un tema do adestrador. Teño gañas de xogar e cando me elixa vou dar o máximo, pero o que é máis importante é que o adestrador tome a decisión mellor para o equipo, con Okkas ou sen Okkas.

Encántame o idioma español e quero aprendelo. Falo inglés e espero aprender rapidamente. Estou encantado de ter a oportunidade de falar o idioma español.

Non busquei moita información sobre a cidade porque xa coñecía ao equipo, que ten moita historia, e o demais non é tan importante para un xogador. Pero teño boa sorte porque estou nunha cidade marabillosa . Teño unha familia, unha esposa e un fillo, e estou seguro que lles vai a gustar quedarnos en Vigo moitos anos.“

Presentados Agus e Adrián

O RC Celta presentou está mañá a dous dos seus novos reforzos para esta campaña de travesía polo inferno.

Agus e Adrián xa adestraron hoxe baixo ás ordes de López e Stoichkov. Os novos xogadores do RC Celta amosáronse moi ilusionados por participar neste ambicioso proxecto.

Adrián González, fillo do mítico Michel afirmaba no acto de presentación que “Chego a un sitio no que me querían, e iso é o máis importante, que apostaron por min, e non había que pensalo moito”. Recoñeceu que “había ofertas de equipos de Primeira, falouse con eles, non se chegou a nada firme e o Celta apostou por min desde o principio. Este é un bo lugar para vir”.

 

Mentres, Agus, o novo central do RC Celta comentaba que “vir a un equipo como Celta é un paso moi grande. Saír do Castilla e vir a un equipo como este que xogou UEFA o ano pasado e a Champions anteriormente é un paso moi grande” .Subliñou que para el “é un motivo de orgullo que un club como este se fixara en min. Ogallá entre todos poidamos conseguir volver a Primeira”

Con vostedes, Quincy Owusu Abeyie !!!

E chegou a bomba do mercado. 8 minutos despois de que se pechase o prazo, o gabinete de prensa do RC Celta confirmou a Quincy Owusu Abeyie é novo xogador do RC Celta.

Este rapaz holandés de  19 anos é unha das grandes promesas da súa selección. Terriblemente rápido e habilidoso, o xogador despuntou no pasado mundial sub-21.

É un extremo zurdo que pode actuar indistintamente por ámbalas dúas bandas. Formado nas categorías inferiores do Ajax, foi fichado polo Arsenal no 2002 e recalou no Spartak  no 2005.

Realmente parece un gran xogador. Agora toca esperar a súa adaptación á dura 2ª división española.

Deixámosvos uns videos para que vaiades coñecento ao novo xogador do RC Celta.

Estado actual do mercado

ACTUALIZADO: 00.15H —————————————— HORA LÍMITE: 00.00

ÚLTIMA HORA: CONFIRMADO, Quincy Owusu Abeyie é novo xogador do RC Celta. O extremo chega cedido con opción de compra. (00.25h) ÚLTIMA HORA:Á espera de confirmación oficial, semella que a nova incorporación do RC Celta é QUINCY OWUSU ABEYIE, ex do Arsenal, e xogador do Spartak. Chegaría cedido con opción de compra. (00.15h) Seguimos a espera das informacións que nos chegan dende o gabinete de prensa do RC Celta. Esperamos unha última fichaxe. (00.09h) Acabouse o prazo, pero dende Casa Celta informan que están a ultimar a incorporación dun novo xogador, ainda que o fax chegase fóra de prazo. As 00.05 espérase máis información dende Praza de España (00.00h) A 10 minutos do peche do mercado, o Celta está a esgotar as opcións de incorporar un interior dereito. (23.50h) Falta unha hora para o peche do mercado e seguimos á espera de máis movementos en Casa Celta (23.00h) ADRIÁN GONZALEZ, CHEGA AO CELTA CEDIDO (21.24H) Adrián González, unha das xoias da canteira do Real madrid xogará esta tempada no Real Club Celta. Ambos clubs pecharon a cesión deste interior zurdo de 19 anos de idade, internacional sub-20, que realizou a pretemporada co primeiro equipo. Adrián González era pretendido por varios clubs de Primeira División, pero finalmente o conxunto vigués logrou pechar o seu cesión. CALLE ASINA POLO NÁSTIC (21.12) PLACENTE NEGOCIA A SÚA SAÍDA AO WIGAN (21.00h) PERERA OBTÉN A CARTA DE LIBERDADE E NEGOCIA A SÚA INCORPORACIÓN AO ELXE (21.00 h) O CELTA TRABALLA PARA INCORPORAR DOUS XOGADORES MÁIS. A OPCIÓN DE XISCO COLLE FORZA (20.29h) GABINETE PRENSA CELTA INFORMA, JAVI GUERRERO DESVINCULOUSE TOTALMENTE DO CELTA. ASINOU DOUS ANOS CO RECREATIVO (18.48) CELTA E BETIS NEGOCIAN POR XISCO (17.53) PERERA, ENTRE TARRAGONA E ELXE (17.04) PINTO PRETO DE OSASUNA (16.45)

ALTAS: OWUSU ——OKKAS ———– AGUS ————- VARA ———- VITOLO —— - MANCHEV—–MARIO SUAREZ- DIEGO COSTA—- PEÑA ————- ZANEV ——– ROBERTO- ROBERTO LAGO —– VILA —–RUBEN

BAIXAS: GUERRERO —– PERERA ———— TAMAS ————- YAGO ———- ANGEL ———OUBIÑA P.GARCÍA ——- GUSTAVO ——–ASPAS ———- NENE ———-DE RIDDER –BAIANO ——–BAMOGO ——— AREIAS –

Oubiña ao Birmingham City

Segundo informa RadioVigo, o canteirán Borja Oubiña xogará cedido no Birmingham City. A operación pechouse fai uns intres e a incluirá unha opción de compra por parte do club inglés por unha cifra en torno aos 11 millóns de euros.

O Celta liberará así un xogador para unha posición tan saturada como a de mediocentro. Oubiña coincidirá así co tamén ex-céltico De Ridder.

Baixa federativa a Perera e no seu lugar chega Okkas

ACTUALIZADO 15.10h: Celtavigo.net confirma a fichaxe do chipriota. Chega libre e asinará contrato por un ano con opción a outra máis. 

Segue os movementos sorprendentes en Casa Celta. Cando non se esperaba ningunha saída máis, o club daralle a baixa federativa ao pacense Jesús Perera. No seu lugar chegará o chiprota Okkas.

Giannis Okkas é un dianteiro chipriota que xogou no PAOK (conquistando a Copa de Grecia e o galardón de xogador chipriota do ano), AEK Athenas e Olimpiakos (equipo onde gañou a liga dúas veces consecutivas). Foi internacional en máis de 60 ocasións.

Trátase dun dianteiro de bastante calidade técnica e con bo remate de cabeza a pesar de que non é moi alto. Mide 1´76 m. e pesa 80 kg. Aqui deixámosvos un par de vídeos de Okkas.

GOLAZO FRONTE A ALEMAÑA

VIDEOMONTAXE

Sorpresón, J.Guerrero outro ano cedido ao Recre

Saltou a sorpresa en casa Celta. Segundo anunciou a Radio Galega o Celta chegou a un acordo co Recre para a cesión do madrileño.

Noticia desconcertante cando Guerrero declarou en varias ocasións o seu compromiso co proxecto acual e apuntaba a ser un dos puntais e titular indiscutible neste novo Celta 2007/08. A confianza de Stoichkov no madrileño foi total en toda a pretemporada, o que viuse reflectido no primeiro partido da liga no que Guerrero foi titular e xogou 64 minutos.

A cesión de Javi Guerrero ao Recre, sumado ás incorporacións dos defensas Agus e Julián Vara, completaron un día frenético en Casa Celta. Ao longo de hoxe espéranse máis movementos no plantel céltico. Rumores non faltan, as saídas de Lequi ao Atlético ou Oubiña a algún equipo portugués poderían concretarse ao longo do día. Algúnha última fichaxe para o interior esquerda ou para dianteira abofé que chegará.

A solución hoxe as 00:00 horas…

Agus, nova incorporación

O Celta está a aproveitar ao máximo as últimas horas do mercado de fichaxes. Se hai unhas horas informabamos da chegada de Vara para cubrir a baixa de Ángel, agora toca falar da chegada dun novo defensa zurdo, Agustín García “Agus”, do Real Madrid Castilla.

O defensa formouse nas categorías inferiores do Albacete, dando o salto ao primeiro equipo na temporada 2004/2005. No 2005 abandonou a disciplina albaceteña para incorporarse ao segundo equipo do Real Madrid onde militou as dúas últimas campañas. O ano pasado disputou 39 partidos, dos que 31 foron como titular. Ademáis foi internacional en distintas categorías coa selección española.

Agus, que firma mediante unha cesión, chegará mañá a Vigo a pasar o recoñecemento médico e será presentado xunto con Vara ás 13.00h