Novos dorsais

Co inicio dunha nova campaña, volven as dúbidas sobre os dorsais. Preguntas como, quen é o 10? ou, quen é ese baixiño que leva o 11? son habituais nestes primeiros compases de liga. Pois ben, faremos un pequeno resumo das novidades para esta campaña 2007/08.

As novas fíchaxes lucirán os seguintes dorsais:

- Peña: O central boliviano lucirá o dorsal número “2″. Este dorsal non tivo dono a temporada pasada. O último en levalo foi Jose Enrique.

- Vitolo: O mediocentro tinerfeño portará o “4″ que deixou libre Borja Oubiña.

- Roberto: O brasileiro levará o “6″ no seu retorno. Este dorsal levouno desde decembro o portugués Areias.

- Manchev: O búlgaro vestirá o “9″ que deixou Baiano.

- Okkas: O chipriota terá a carga de portar o dorsal que deixou Gustavo López, o número “11″.

- Agus: O central madridista lucirá o “12″ que ata o de agora lucía o damnificado Placente.

- Adrián: O fillo de Michel levará o “16″ que no anterior vestiu Pablo García.

- Diego Costa: O brasileiro portará o “17″. Tamas foi o seu dono a pasada temporada.

- Mario Suárez: O “19″ identificará ao madrileño. Yago Yao foi o seu predecesor.

- Zanev: O discípulo de Stoichkov escolleu o “20″, dorsal que luciu o canteirán Jonathan Aspas os dous últimos anos.

- Vara: O lateral levará o “21″. O anterior potador deste dorsal foi Jorge Larena.

- Roberto Lago: O canteirán sustituirá a De Ridder levando o “22″.

- Rubén: O santiagués lucirá o “23″ que deixou Nené.

- Jonathan Vila: O porriñés portará o “24″ que deixou Canobbio.

- Owusu Abeyie: O holandés levará o “25″ que dexou Iriney, aínda el litixio co Celta.

Ademais dos novos haberá dúas novidades máis con respecto aos dorsais. O “8″ e o “10″, dous dos números máis codiciados terán novo dono. Jorge Larena deixou o “21″ para coller o “8″ de Ángel. Mentres que o urugaio Canobbio será o novo “10″ do equipo, que con anterioridad portou Bamogo o ano pasado e J.Guerrero ao inicio desta temporada.

Para consultar todos os dorsais, ver a sección de plantilla.

Guía do Celta 2007/08

Pinto, G.Lucas, Rubén, Peña, Zanev, Roberto, Vitolo, Núñez, Canobbio, Quincy e Okkas ben poderían ser a aliñación titular deste equipo. Para os que non se aclararon con todas estas fichaxes de última hora intentaremos facer unha guía rápida de aprendizaxe.

PORTERIA

A única posición que non variou con respecto ao pasado ano. Esteban e Pinto volverán ser os ocupantes da portería. O gaditano parte con certa vantaxe pero non poderá relaxarse xa que Stoichkov xa demostrou á súa chegada ao Celta o seu gusto por Esteban. Yoel será o terceiro porteiro.

DEFENSA

Pouco vai quedar da desastrosa defensa que nos levou a segunda. Ángel, Tamas, Areias, Yago e Placente (o club deixoulle sen ficha administrativa) son baixa.

O lateral dereito non ten dono fixo. O disputarán o brasileño George Lucas e Julián Vara, xogador procedente do filial do Atlético de Madrid do que era capitán. O canteirán Richy podería a terceira opción como xa demostrou no primeiro partido.

O posto de central é un dos máis masificados. Rubén (central procedente do Racing) e Peña (procedente do Villarreal) parten como titulares aínda que terán unha feroz competencia. Lequi, Contreras, Agus (procedente do R.Madrid Castilla) e o canteirán Richy buscarán a súa oportunidade.

O lateral esquerdo ten, a priori, un ocupante sólido: Petar Zanev. O búlgaro, procedente do Litex Lovech, ten gañada a confianza de Hrito Stoichkov. Roberto Lago esperará a súa oportunidade no banco. Agus tamén pode xogar nesta posición.

MEDIOCAMPO

A zona de contención, a diferenza do ano pasado, é unha das posicións mellor cubertas. Ningún dos pivotes do ano pasado estará no equipo. Oubiña e Pablo García xogan en novos destinos e Iriney manten un contencioso coa directiva viguesa mentres se recupera da súa lesión. A creacion e, maiormente, a destrución do xogo recaerá en Roberto (volve tralo seu paso polo Salamanca), Mario Suárez (procedente do Atlético de Madrid), Vitolo (do Racing de Santander) e o canteirán Jonathan Vila.

A banda dereita tamén sufriu baixas este verán. O holandés De Ridder e o moañés Jonathan Aspas xa non pertencen ao Celta. O que si segue é o madrileño Antonio Núñez, que ten a titularidade ben enfilada. Guayre é o seu sustituto natural, pero, por mor das súas lesións, o seu rendemento é unha incognita. O canteirán Dani Abalo abofé que terá algúns minutos.

A banda esquerda é nova totalmente. Despois da polémica saída de Gustavo López e o traspaso de Nené ao Mónaco o equipo quedou orfo temporalmente. No primeiro partido de liga Roberto Lago ocupou esa posición, pero as chegadas de Adrián López (o fillo do mítico Michel, que procede do R.Madrid Castilla) e a fichaxe estrela Quincy fan a súa titularidade moi complicada.

A mediapunta é unha das posicións que permanecen inamovibles. O “irregular” Fabián Canobbio seguirá sendo o termómetro do Celta. Se o rendemento é medianamente bo ten a titularidade máis que asegurada. Das súas botas dependen moitas das nosas esperanzas no ascenso. Jorge Larena permanecerá no banco á espera dalgunha oportunidade, que abofé que terá.

DIANTEIRA

A dianteira é a zona que máis incertidumbre crea do plantel céltico. Sairon Bamogo, Baiano e J.Guerrero a última hora. Chegaron Manchev (chegou libre despois de acadar o ano pasado o ascenso co Valladolid), Diego costa (cedido do Atlético de Madird) e o chipriota Okkas (chega libre procedente do Olimpiakos). O caso Perera foi unha das sorpresas da derradeira xornada xa que falouse de posible traspaso, dunha posible carta de liberdade ou da súa baixa federativa.

A titularidade é unha incognita. Parece que de comezos e ata a aclimatación de todalas pezas, o que máis papeletas ten para ser titular é o búlgaro Manchev, aínda que a calidade de homes como Diego Costa, Akkos e “bota de oro” Perera daranlle a Stoichkov moitas alternativas.

De Ridder leva a Holanda ao título

O todavía xogador do Celta, Daniel de Ridder, foi a estrela absoluta da selección holandesa na final do europeo sub 21 do pasado sábado.

O extremo dereito completou unha final extraordinaria ao dar tres asistencias nos catro goles marcados pola súa selección. O partido rematou cun claro 4 – 1 a prol de Holanda ante a selección serbia.

De Ridder non seguirá no Celta o ano que ven xa que se o Celta lle prorroga o contrato tería que pagarlle ao redor dun millón de euros ao Ajax en concepto de formación do xogador. Tras ver a súa gran actuación no europeo onde foi un dos xogadores máis destacados da selección campiona…

¿Non sería un home máis que valido para a segunda división? ¿Non sería deses xogadores que marcarían a diferenza?

Jonathan deixará o Celta

O canteirán Jonathan Aspas daba hoxe unha rolda de prensa na que sorpreu a propios e extranos ao asegurar que non continuará no R.C.Celta a vindeira temporada.

Jonathan apuntou que ten varias ofertas de equipos de primeira e que desde o club vigués non lle fixeron chegar ningunha oferta, polo que, en caso de facelo agora, xa sería tarde e non as considerará.

Se se confirma esta noticia, un dos xogadores da terra, comprometido e que sinte as cores como poucos, deixaría o Celta sen a posibilidade de ter continuidade para demostrar todo o que leva dentro, unha auténtica mágoa.

Jonathan, sexa cal sexa o teu destino, que te vaia bonito.