COMETAL CELTA DE VIGO F.S

Cometal Celta de Vigo F.S. Este é o nome que a partir de agora levará o Celta. A empresa galega de estructuras metálicas converteuse no patrocinador principal do equipo vigués. Medio millón de euros é o que aporta a empresa que preside Lois Rivas ó equipo presidido por Xose González. A pesar de que Cometal sempre colaborou co clube (o ano pasado xa patrocinara o equipo de primeira nacional), non foi posible asta fai un par de días que se incorporara como sponsor principal.

O presidente, Xosé González agradeceu o esforzo feito por Cometal, “levamos media tempada negociando con eles e é agora cando nos quieren apoiar de maneira importante. Énchenos de orgullo que noso equipo leve o nome dunha empresa galega”.

O presidente de Cometal, Lois Rivas comentou que “intentamos axudar un pouco o equipo. Necesitamos moito para que o equipo poida permanecer en División de Honra e nos estamos axudando da maneira que nos é posible. Agardamos que a próxima tempada sigamos en División de Honra e as cousas serán de outra forma”.

No acto de presentación do patrocinador celeste tamén estaba a concelleira de deportes do Concello de Vigo, Lucía Molares encantada coa idea de que unha empresa galega patrocine o deporte vigués. “Lois foi moi modesto pero a cantidade da que estamos a falar é moi importante. Aproveito a presenza de toda a plantilla céltica para felicitarlles as festas y desexarlles un bo 2007″. “Agardo que neste ano novo os resultados sexan os desexados e que o equipo se poida salvar. Á directiva agradézolle que estén loitando e que fagan disfrutar á xente”.

O clube xa negocia co seu sponsor para a próxima tempada. Iso sí, a partir de agora COMETAL CELTA.

IaguinhoGZ

David Souto convocado coa Sub-21 e primeira peña do Celta FS

O xogador do RC Celta FS David Souto foi convocado pola selección española Sub-21 para xogar o torneo internacional sub-21 que se vai xogar en Rusia este mes de novembro.

Por outra banda, o RC Celta FS xa ten a súa primeira peña oficial.

Todas estas noticias están ampliadas na sección TodoCelta FS

Gustavo reaparecerá fronte ao Coruña

Gustavo López podería reaparecer dentro de dez dias fronte ao Deportivo da Coruña. O noso pequeno Deus arxentino, o xogador máis en forma do equipo no comezo de temporada, comezará a adestrar esta mesma semana aínda que é case seguro que non participará no encontro fronte ao Recre.

De ter resultado positivo na última proba que se lle ten que facer ao arxentino para comprobar a cicatrización do semitendinoso esquerdo, onde sufriu a rotura, cumprirá os prazos da súa recuperación.

Entrementres De Ridder e Lucas tamén evolucionan favorábelmente.

18.101. ¿Onde están?

Onte ao mediodía aconteceu un acto histórico en Casa Celta. Por fin, despois de tanto secretismo, a nova directiva deu os datos oficiais sobre a masa social do RC Celta de Vigo. Somos 18.101 socios.

O ano pasado eramos 15.900. Esto amosa un claro crecemento na masa social, sen embargo, a media de espectadores en Balaídos non pasa dos 13.000 siareiros. Hai un gran grupo de socios, que despois de pagar o seu carnet non acuden ao estadio a animar o seu equipo.

O RC Celta, empeñado en tratar ben ao socio e aumentar a masa social, chamou un por un aos aboados que non acuden acotío a Balaídos. Entre as causas encóntranse as xa sabidas por todos. Nunha maioría de casos, o aboado non acude por incomodidade. É dicir, por aparcamento. Isto se agrava, se o partido é televisado en aberto, tal e como aconteceu nos dous encontros de UEFA, e seguramente aconteza no de Copa deste xoves.

Entre os aboados que se deron de baixa (uns 1500) as causas máis comúns son os prezos (os do Celta son os abonos máis baratos do fútbol español), falta de tempo, e entre 1 de cada 5, a falta de aparcadoiro. Neste sentido a directiva xa comunicou que está a traballar en diversos frentes, un deles, a mellora das frecuencias de autobuses.

Neste mesmo senso, a directiva tamén quere facer un esforzo para lograr unha maior asistenza dos siareiros de fóra de Vigo. Actualmente este colectivo só chega ao 22 % do total.

Martinez Cobas salientou que o número de aboados e espectadores non reflicte na súa totalidade o sentimento celtista que existe tanto en Vigo como en Galiza. De feito, o RC Celta é un dos equipos máis comprados por PPV, só por detrás dos grandes, e os seus partidos televisados, acadan unha espectacular audiencia en Galiza, sendo os programas máis vistos da canle autonómica, e lideres fronte a toda a oferta televisiva, competindo con xigantes como Gran Hermano ou Cuéntame, con audiencias que rondan o 33 % de share.

Carlos Mouriño, despois do partido de UEFA, amosábase entristecido porque “xa non sabia que facer“. Intentaron por tódolos medios levar xente a Balaídos, pero non o conseguían. Certamente frustante.

Agora vén o gran debate. ¿Porque a xente non acude a Balaídos? ¿Abonda a escusa do vello estadio? ¿A afección só apoia ao equipo nos bos momentos? ¿ou este equipo lle queda grande a esta afección?.

E vos, ¿que pensades?

Breves

---

_{Ingresado na UCI, Carlos Pérez, ex-delegado do Celta (La Voz)
Javi Guerrero non poderá xogar fronte ao Celta por mor da súa cesión (La Voz)
Guayre e Yago son dúbidas fronte ao Alavés (FARO)
Ángel, máis preto da selección (Celestes)}

---

Voltamos (e van 5…)

Rapaces, sintoo. Sei que prometín non volver tocar TodoCelta e adicarme exclusivamente a actualizar a web, pero os “amigos de miarroba” semella estan compinchados para que non consiga o meu obxectivo.

Así que finalmente decidín, mover o blog, e aloxarnos en wordpress, o que representa un novo reto para min, e agardo nos axude a mellorar a fluidez da nosa web.

De todos xeitos, se queredes consultar algún dos case 200 artigos que xa publicamos en TodoCelta, podedes visitar esta dirección que vos levará ao vello blog. Pouco a pouco irei importando os artigos a esta web, para finalmente borrar o antigo blog.

Tamén quero aproveitar para ofrecer a posibilidade, a calquera persoa que queira colaborar con nós na creación desta web, que se poña en contacto con nós, ben mediante o foro, mediante o tagboard Rio Baixo, deixando un comentario neste artigo, ou mandando un mail a kcrlinhos@msn.com.

Saúdos e Hala Celta.