O Celta caeu no seu debut ante o Numancia de xeito inxusto: un erro individual supuxo o primeiro tanto do rival, unha xogada illada traduciuse no gol da vitoria dos sorianos, dominados con claridade polos celestes na segunda metade. Trashorras anotou o gol dun Celta moi superior tralo descanso, pero castigado polo infortunio.

Artigo de celtavigo.net

O esperado comezo de Liga, a hora da verdade, a de cosechar a sembra da pretempada, chegou cunha calor terrible e un rival de entidade, incómodo, serio, o Numancia de Gonzalo Arconada. E arrincou cun ritmo adecuado á temperatura, con equilibrio, respecto.

As primeiras oportunidades, método habitual neste tipo de partido, chegaron a balón parado, con Trashorras como lanzador. Catalá cabeceou fose aos oito minutos de xogo. Michu fíxoo arriba inmediatamente despois.

Tras estas ocasións, reinou o equilibrio. Faltaba fluidez en ambos equipos, precisión na zona de ataque. O Celta dominaba lixeiramente a posesión, sempre afogado pola feroz presión do rival, e non lograba enlazar con claridade cós tres atacantes. O Numancia, serio atrás, abría o campo cando roubaba e saía con velocidade.

Con eses condicionantes, o choque estaba aberto, indefinido. Apenas había oportunidades e moita pelexa no centro do campo. Parecía que o descanso chegaría de xeito plácido, sen sobresaltos de ningún tipo. E así foi. Algunha falta desde a frontal executada sen perigo.

Trala reanudación, con Hugo Mallo no campo en lugar de Roberto Lago, a desgraza cebouse en Sergio Ortega. Perdeu un balón na frontal que acabou en gol de Íñigo Vélez. Xogada desafortunada que lle custou tremendamente cara ao Celta. Tan só pasaran tres minutos de xogo, e aínda non ocorrera absolutamente nada.

Ocorreu dous minutos despois: Dani Abalo habilitou desde a banda a Trashorras no centro. O de Rábade recortou cara á súa esquerda e desde 25 metros enganchou un zurdazo enorme que entrou pola escadra dereita de Eduardo.

Xusto despois, Michu, desde 30 metros, lanzou outro terrible zurdazo que o porteiro desviou con grandes apuros.

Gran, contundente, resposta do Celta, que reaccionou con rabia ao gol do Numancia. Trashorras volveu intentalo desde a frontal, pero esta vez o seu remate saíu rozando o pau esquerdo do meta soriano.

Os de Eusebio pasaron, de súpeto, a dominar o xogo, a xerar ocasións, a asustar ao Numancia. Joselu lanzou fóra aos 14 minutos tras un bo pase de Trashorras. Os célticos adueñáronse do coiro e, agora si, xeraron un xogo brilante nalgunhas das súas chegadas. O Numancia respondía con zarpazos, con balóns longos polas bandas e centros ao corpulento Vélez.

O Celta, por intres, cada vez máis prolongados, asediaba, empuxaba con forza cara a Eduardo. Os de Arconada eran incapaces de zafarse da presión celeste, de enlazar cos seus puntas, aínda que si defendían con orde e concentración. E, na súa primeira chegada, moitos minutos despois, Dimas marcou un gol soberbio: regateou na frontal, mirou a Falcón e colocou o coiro na escadra. Facía longos minutos que non chegaban arriba, pero cando o fixo, resultou demoledor.

Joselu puido empatar no tramo final tras un bo regate no área e un remate que saíu excesivamente cruzado. O Celta merecera moito máis. Catalá, xa nos instantes finais, cabeceou por arriba un servizo de Trashorras na última oportunidade dun encontro no que non imperou a xustiza.

1-R.C. Celta: Falcón, Vasco, Sergio Ortega, Catalá, R. Lago (Hugo Mallo, min.46), Trashorras, Bustos (López Garai, min.84), Michu. Dani Abalo, Toni (Botelho, min.49) e Joselu.

2-C.D. Numancia: Eduardo, Flaño, Boris, Balenziaga, Do Piñeiro (Álvaro, min. 93), Jaio, Garmendia, Dimas, Barkero (Palacios, min.71), Nano e Iñigo Vélez (Kike Soa, min.71).

Goles: 0-1, min.48: Íñigo Vélez; 1-1, min. 50: Trashorras; 1-2, min.73: Dimas.

Árbitro: Teixeira Vitienes, do comité cántabro. Amonestó a Trashorras, Sergio Ortega, Catalá, Michu, Flaño, Jaio e Balenziaga.

Campo: Balaídos, 7.410 espectadores.

19.56h: Final do encontro. Derrota xusta do RC Celta no primeiro encontro de liga.

19.54h: Paradon de Falcon, que evita o terceiro do Numancia

19.49h: Remate de cabeza dentro da area de Catala, que se marcha alto.

19.47h: Gran ocasion de Joselu que non atinou a levar o empate ao marcador. Balaidos aplaude a pesar do resultado.

19.40h: O Celta non baixa os brazos da man de Botelho e Joselu

19.38h: GOL DO NUMANCIA: Golazo de Dimas

19.34h: Gran ocasion de Joselu que non deu rematado ao centro de Botelho

19.33h: Entra Palacios (Central) e sae Barkero (Mediapunta)  e entra Quique Sola (Dianteiro) por Iñigo Velez (Dianteiro)

19.31h: O Celta segue apretando. Varias intentonas de Joselu e Trashorras.

19.29h: Carton Amarelo para Valenciaga. Entra Nagore no Numancia

19.23h: Carton Amarelo para Jayo

19.22h: Disparo dende a frontal de Barkero que se marcha a dereita de Falcon

19.20h: Terceira ocasion de perigo seguida do RC Celta desta volta, obra de Joselu. Nervios no Numancia

19.17h: Nova ocasion de gol nos pes de Roberto Trashorras que a piques estivo de marcar o segundo golazo do encontro.

19.15h: O Celta vense arriba despois do gol e expoleado polos 7000 siareiros que asisten en directo ao encontro.

19.13: GOOOOOOOOOOL DO CELTA: Golazo de Trashorras

19.10h: GOL DO NUMANCIA: Iñigo Velez fai xustiza e establece o primeiro tanto despois dunha mala xogada defensiva dos de Eusebio.

19.00 h: A piques de comezar a segunda metada, o Celta intentara mellorar a imaxe ofrecida na primeira parte onde os de Eusebio amosaron falta de ideas e de pegada fronte a un Numancia lixeiramente superior.

O Real Club Celta inicia este sábado a súa andaina na tempada 2009/21010 cun interesante partido ante un recén descendido, o CD Numancia (Balaídos, 18.00 horas). O club fixou para este encontro prezos económicos, entre 10 e 25 euros, có fin de propiciar que o equipo se sinta arroupado no seu ilusionante debut. Ademais, por só 5 euros máis os afeccionados poderán adquirir unha entrada para o partido de Copa ante o Real Unión.

Eusebio Sancristán asegurou na súa presentación como novo adestrador do Celta, en substitución do cordobés Pepe Murcia, que el sempre necesitou retos» e sacar ao equipo vigués desta situación éo. O valisoletano recordou os seus dous anos como xogador no cadro vigués. «O Celta acolleume cos brazos abertos ao concluír a miña etapa como futbolista do Barcelona».

«Aquí pasei dous anos moi felices e agora volvo ilusionado para pór o meu traballo, a miña ilusión e a miña entrega ao servizo deste club>>.

Referiuse ao «difícil momento» polo que atravesa o seu novo equipo. «Perotodo é cuestión de cambiar de dinámica, e isto pasa polo traballo e por recuperar a confianza e a fe». «Sempre tiven e necesitei de retos ao longo da miña carreira deportiva e este é un e afróntoo con ganas, confianza e seguridade», puntualizou.

Interrogado a preto dos acenos de identidade que aplicará ao Celta, o ex axudante de Rijkaard explicou que «os equipos sempre reflicten a personalidade dos seus xogadores» e que el ten unha forma moi clara de entender o fútbol.

«Pasei gran parte da miña carreira no Barcelona e estou influído polo seu estilo, segundo as pautas que marcou Johan Cruyff», proclamou, e recalcou: «Estiven no Barca, pero tamén no Celta e o Valladolid, e de todos os meus adestradores fun quedándome con cousas. Con toda a miña experiencia, extraín o meu propio criterio».

Nese sentido, negou que vaia cambiar as súas ideas polo feito de adestrar a un equipo de segunda: «Eu teño moi claro o camiño que hai que seguir para xogar ao fútbol». O novo adestrador do Celta puxo como obxectivo volver atraer á afección a Balaídos. «Imos ter que conseguir traer á afección ao noso lado, pero somos nós os que temos que chamarlles con xogo e con entrega», recoñeceu. Para rematar, Eusebio recalcou que o Celta ten un bo persoal no aspecto futbolístico e humano. «Temos -concluíu- unha profesión moi bonita e seguro que se logramos gozar do noso traballo, sairemos adiante».

O valisoletano foi presentado na sede do club celeste como técnico. O que fose tamén futbolista do equipo vigués entre 1995 e 1997 chega sen experiencia en Segunda División e cun currículo como técnico pegado ao Barcelona, onde foi axudante de Frank Rijkaard. Como futbolista sobresaíu pola súa capacidade técnica. A súa carreira deportiva realizouse no Atlético de Madrid, Valladolid e Barcelona, onde viviu os seus mellores anos.

O seu primeiro labor será conseguir a permanencia en Segunda, para o que necesita un mínimo de 17 puntos máis, e a partir de aí comezar a construír o proxecto da próxima tempada. Eusebio xa dirixiu a súa primeira sesión de adestramento tras presentarse ao persoal do Celta, e a partir do mércores comezará a adestrar ao equipo con míralas postas no seu debut o sábado ante o Huesca nun partido de alta voltaxe.

Eusebio Sancristán chega sen experiencia en Segunda División e cun currículo como técnico pegado ao Barcelona, onde foi axudante de Frank Rijkaard. Trátase dun ex xogador do Celta, dúas tempadas na década dos noventa e como futbolista sobresaíu pola súa capacidade técnica. A súa carreira deportiva realizouse no Atlético de Madrid, Valladolid e FC Barcelona onde viviu os seus mellores anos.

O seu primeiro labor será conseguir a permanencia en Segunda, para o que necesita un mínimo de 17 puntos máis, e a partir de aí comezar a construír o proxecto da próxima tempada. Esta tarde será presentado e a partir do mércores comezará a adestrar ao equipo con míralas postas no seu debut o sábado ante o Huesca nun partido de alta voltaxe.

Sete meses foron suficientes para pór fin á etapa de Pepe Murcia á fronte do Celta. Como lle sucedeu nos seus tres equipos anteriores, en Vigo tampouco pasou dunha curta experiencia. Os seus números van por refachos e igual que lle sucedeu no Atlético de Madrid ou Xerez, os seus momentos bos son tan álxidos como profundas as súas caídas. Isto levoulle a non ser capaz de completar unha tempada en ningún dos últimos catro clubs aos que dirixiu.

Despois de pouco máis dun ano online, TodoCelta.com estrea a versión 2.0 do seu site. Cun novo deseño totalmente remozado esperamos que a nosa nova web estea a altura dos nosos lectores.

Podedes descobrir o novo todocelta.com entrando no noso enderezo habitual.

www.todocelta.com 

O RC Celta publicará mañá os datos oficiais da campaña de abonados desta temporada 2007/2008.

Marián Mouriño, Directora de Marketing da entidade celeste dará unha rolda de prensa en Balaídos ás 18.00h onde informará dos resultados acadados nesta longa campaña de abonados.

O RC Celta diminuiu ao redor dun 20% o prezo dos abonos, ao mesmo tempo que puxo en marcha novedosas iniciativas como o “avonetiño”, as bancadas laterais en Tribuna e Río, etc. Todo isto foi acompañado polo polémico spot emitido en radios e televisións ao longo das últimas semanas.

Nas derradeiras datas o Presidente da entidade avanzou unha melloría nos datos do anterior descenso ao igual que un incremento da asistencia media en comparación coa última campaña en Segunda.

Castigo exemplar para López Caro, ao máis puro estilo FV. O Comité de Competición vén de castigar ao adestrador do RC Celta con dous partidos de sanción trala súa expulsión o pasado domingo en Balaídos.

Dende o RC Celta xa se anuncia que recurrirá esta sanción, pero non a de Rubén, que terá que cumprir o castigo este domingo  fronte ao Sporting.

¿Que lle dixo Caro ao colexiado? 

Sorpresa en CasaCelta. Xabier Martínez Cobas abandona o Real Club Celta despois de ano e medio ao fronte da Dirección Xeral do clube e despois de se converter nunha das facianas máis visíbeis do proxecto Mouriño.

Cobas chegou á entidade celeste procedente da Universidade de Vigo e pronto se gañou a simpatía de boa parte do Celtismo pola súa imaxe e competencia no traballo.

Unha perda importante para o Consello de Administración de Carlos Mouriño.